فۋتبولدان 2024 جىلعى ەۋروپا چەمپيوناتىنا ىرىكتەۋ ساتىسىنىڭ التىنشى تۋرى مارەسىنە جەتتى، دەپ حابارلايدى Almaty-akshamy.kz.
بۇل كۇنگى ويىندار اراسىندا جانكۇيەرلەردى C توبىنداعى يتاليا مەن ۋكراينا كەزدەسۋى ەرەكشە قىزىقتىردى.
يتاليا فۋتبولشىلارى كەيىنگى جىلداردا ءساتسىز ويىن كورسەتىپ كەلەدى. سالدارىنان وتكەن جىلى الەم چەمپيوناتىنىڭ فينالدىق ساتىسىنان تىس قالدى. سول ولقىلىقتىڭ ورنىن بيىل تولتىرۋعا تىرىساتىنى انىق.
يتاليالىقتار ەۋروپا چەمپيوناتىنا ىرىكتەۋ ساتىسىندا دا ءساتتى ويىن كورسەتە الماي كەلەدى. العاشقى ءۇش تۋردا نەبارى ءبىر مارتە جەڭىسكە جەتسە، بىرەۋىندە تەڭ ءتۇسىپ، بىرەۋىندە قارسىلاسىنا ەسە جىبەرىپ قويدى.
سوندىقتان بۇگىنگى ويىندا ولار جەڭىسكە جەتۋگە بار كۇشىن سالدى. ويىننىڭ 21، 29-مينۋتتارىندا يتاليالىق داۆيدە فراتتەزي ەكى گولدىڭ اۆتورى اتاندى. وعان 42-مينۋتتا اندرەي يارمولەنكو ءبىر گولمەن جاۋاپ قايىردى. ەسەپ - 2:0.
اتالعان توپتاعى مالتا ءوز الاڭىندا سولتۇستىك ماكەدونياعا 0:2 ەسەبىمەن جول بەردى.
سونداي-اق ا توبىندا نورۆەگيا گرۋزيانى 2:1، يسپانيا كيپردى 6:0 ەسەبىمەن تىزە بۇكتىردى.
ال F توبىندا بەلگيا ەستونيانى 5:0 ەسەبىمەن جەڭسە، شۆەسيا اۆستريادان 1:3 ەسەبىمەن جەڭىلدى.
I توبىندا شۆەيساريا اندوررادان 3:0، يزرايل بەلارۋستەن 1:0 ەسەبىمەن باسىم ءتۇستى.
ەسكە سالساق، بۇدان بۇرىن پورتۋگاليا ليۋكسەمبۋرگتى 9:0 ەسەبىمەن جەڭگەنىن جازعان بولاتىنبىز.