الماتى اكىمدىگى جولاۋشىلاردى كۇنىنە ءۇش مەزگىل تاماقتاناتىن ىڭعايلى قوناق ۇيگە جەتكىزىپ، ورنالاستىرۋدى ۇيىمداستىردى.
ۇشاق پولشانىڭ كاتوۆيسە قالاسىنان ۇشىپ شىققان بولاتىن، دەپ حابارلايدى Almaty-akshamy.kz
كەشە تۇنگى 22 ساعات 35 مينۋتتا الماتىنىڭ حالىقارالىق اۋەجايىنا ۋكراينادان ەۆاكۋاسيالانعان قازاقستان ازاماتتارى Air Astana اۋە كومپانياسىنىڭ Airbus A321 ۇشاعىمەن ۇشىپ كەلدى.
اۋەجايدا قاجەت بولعان جاعدايدا كەلگەن جولاۋشىلارعا جەدەل كومەك كورسەتۋ ءۇشىن مەديسينالىق ماماندار كەزەكشىلىك ەتتى.
الماتى اكىمدىگى ەۆاكۋاسيالانعان قازاقستاندىقتاردى كۇنىنە ءۇش مەزگىل تاماقتاناتىن ىڭعايلى قوناق ۇيگە جەتكىزىپ، ورنالاستىرۋدى ۇيىمداستىردى. الماتىعا كەلگەندەردىڭ بارلىعىنا ۋاقىتىلى ءارى جان-جاقتى قولداۋ كورسەتىلەدى.
قالا اكىمدىگى قاجەت بولعان جاعدايدا مەديسينالىق مامانداردىڭ قىزمەتىن، ونىڭ ىشىندە پسيحولوگيالىق كومەك كورسەتۋگە دايىن.
قازىرگى ۋاقىتتا الماتىعا ۋكراينادان تاعى دا ءبىر رەپاترياسيالىق رەيس كەلەدى دەپ كۇتىلۋدە.