ۇكىمەتتىك ەمەس ۇيىمدارعا ارنالعان سىيلىقاقىنى تابىستاۋ بويىنشا جىل سايىنعى بايقاۋ اياقتالدى.
قوعام قايراتكەرلەرى مەن ساراپشىلاردان قۇرىلعان كونكۋرستىق كوميسسيا 135 ۇيىمنىڭ ءوتىنىمىن قارادى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
ناتيجەسىندە 15 نوميناسيا بويىنشا 66 ۇكىمەتتىك ەمەس ۇيىم سىيلىقاقى يەگەرى اتاندى.
لاۋرەاتتاردىڭ جۇمىسى جوعارى الەۋمەتتىك ماڭىزدىلىعىن كورسەتەدى. سىيلىقاقى جەڭىمپازدارى 5 مىڭنان استام ارناۋلى الەۋمەتتىك قىزمەت كورسەتىپ، 8 مىڭنان استام ادامعا وڭالتۋ جۇمىستارىن جۇرگىزدى. سونداي-اق، حالىقتىڭ الەۋمەتتىك وسال توپتارىنان 60-تان استام ادام جۇمىسقا ورنالاستىرىلدى.
ايتا كەتەيىك، كەيىنگى سەگىز جىل ىشىندە بۇل بەدەلدى ماراپات 486 ۇكىمەتتىك ەمەس ۇيىمعا تابىستالعان.
ۇكىمەتتىك ەمەس ۇيىمدارعا ارنالعان سىيلىقاقى جەڭىمپازدارىنىڭ ءتىزىمى