ۇكىمەتتىك ەمەس ۇيىمداردى گرانتتىق قارجىلاندىرۋدىڭ ءتاسىلى وزگەردى

جاڭا تەتىكتەرى ەنگىزىلدى.

ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسىندا ۇەۇ-دى گرانتتىق قارجىلاندىرۋدىڭ جاڭا تاسىلدەرى تۋرالى ءسوز بولدى، دەپ حابارلايدى Almaty-akshamy.kz Baq.kz cىلتەمە جاساپ.

مەملەكەت تاراپىنان ۇكىمەتتىك ەمەس ۇيىمدار ءۇشىن بەرىلەتىن گرانتتىق قارجىلاندىرۋ جۇيەسى كۇننەن-كۇنگە وزگەرىسكە ۇشىراپ جاتىر. بيىل گرانتتىق قارجىلاندىرۋ جۇيەسى دە قايتا قارالدى. بۇل  ولاردىڭ الەۋەتىن ودان ءارى دامىتىپ، قۇقىقتىق بازانى جەتىلدىرۋ جۇمىستارىنىڭ جۇيەلى تۇردە جۇمىس ىستەۋىنە سەپتىگىن تيگىزەدى.

اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتىنىڭ ءتوراعاسى ماديار قوجاحمەتتىڭ سوزىنشە، ەلىمىزدە بارلىعى 17 مىڭنان استام ۇەۇ جۇمىس ىستەيدى، 21 مىڭنان استام قوعامدىق ۇيىم تىركەلگەن. بۇگىنگى تاڭدا ازاماتتىق سەكتوردا جۇمىسپەن قامتىلعاندار سانى 25 مىڭعا جۋىق ادام.

قازىرگى ۋاقىتتا ۇەۇ-دى مەملەكەتتىك قارجىلىق قولداۋدىڭ ءۇش نەگىزگى باعىتى بار. ولار: مەملەكەتتىك الەۋمەتتىك تاپسىرىس 2005 جىلدان باستاپ ىسكە اسىرىلىپ كەلە جاتقان مەملەكەت پەن ۇەۇ ءوزارا ءىس-قيمىلىنىڭ الەۋمەتتىك جوبالاردى ىسكە اسىرۋداعى ءتيىمدى تەتىكتەرىنىڭ ءبىرى. بۇل رەتتە قارجىلاندىرۋ كولەمى سوڭعى 5 جىلدا 20%-عا ارتتى، جىل سايىن الەۋمەتتىك ماڭىزى بار باعىتتار بويىنشا ورتا ەسەپپەن 2 مىڭعا جۋىق جوبا ىسكە اسىرىلىپ جاتىر.  جالپى، گرانتتاردى ىسكە اسىرۋ كەزەڭىندە 2016 جىلدان باستاپ گرانتتىق قارجىلاندىرۋ كولەمى 10 ەسە ۇلعايدى، جوبالار سانى 6 ەسە ءوستى. اعىمداعى جىلى جالپى سوماسى 1،9 ملرد تەڭگەگە 60 گرانتتىق جوبا ىسكە اسىرىلدى، - دەدى ماديار قوجاحمەت.

سونداي-اق الداعى ۋاقىتتاعى گرانتتىق قارجىلاندىرۋدى بولەتىن جاڭا تاسىلدەر تۋرالى ايتتى. وسىعان دەيىن گرانتتىق قارجىلاندىرۋ فورماتى مەملەكەتتىك الەۋمەتتىك تاپسىرىس تەتىگىمەن ۇقساس بولىپ كەلگەن ەدى.

حالىقارالىق تاجىريبە نەگىزىندە گرانتتىق قارجىلاندىرۋدىڭ جاڭا تەتىكتەرى ەنگىزىلدى. ەندى جاڭا فورمات بويىنشا مەملەكەتتىك ورگاندار وزەكتى ماسەلە مەن كۇتىلەتىن ناتيجەلەردى كورسەتە وتىرىپ، گرانتتاردى باعىتتار بويىنشا توپتاۋ ارقىلى قالىپتاستىرادى. ال شەشۋ جولدارىن ۇەۇ كونكۋرسقا قاتىسۋ بارىسىندا وزدەرى ۇسىناتىن بولادى. سونداي-اق، گرانتتىق ساياساتتىڭ سالالىق ءتاسىلىن كەڭەيتۋ ماقساتىندا ورتالىق مەملەكەتتىك ورگاندارعا دا وپەراتور ارقىلى گرانتتار بەرۋ قۇزىرەتى بەرىلىپ وتىر، - دەپ اتاپ ءوتتى ول.

ايتۋىنشا، 2023 جىلى مينيسترلىكپەن ازاماتتىق قوعامدى، ءدىن سالاسىن، سونداي-اق جاستار ساياساتىن دامىتۋ باعىتتارى بويىنشا جاڭا تاسىلدەر اياسىندا گرانتتىق جوبالاردى ىسكە اسىرۋعا 1،2 ملرد.تەڭگەدەن استام قاراجات ءبولۋ جوسپارلانۋدا.

بيىل ازاماتتىق قوعام وكىلدەرىنىڭ قاتىسۋىمەن گرانتتاردىڭ تيىمدىلىگىن باعالاۋ تەتىگى ەنگىزىلدى. ول وسىنداي جوبالاردىڭ تيىمدىلىگىن ارتتىرۋعا مۇمكىندىك بەرەدى جانە كەيىننەن گرانتتاردى قالىپتاستىرۋ ءۇشىن نەگىز بولادى دەيدى ءتوراعا باسپا ءسوز ءماسليحاتىندا.