مەملەكەت باسشىسىنىڭ تاپسىرمالارىن ورىنداۋ اياسىندا پرەمەر-مينيستر ءاليحان سمايىلوۆ «قازاقستاننىڭ دامۋ بانكى» اق قىزمەتىن رەفورمالاۋ ماسەلەلەرى جونىندە كەڭەس وتكىزدى، دەپ حابارلايدى Almaty-akshamy.kz پرەمەر-مينيستردىڭ باسپا ءسوز قىزمەتىنە سىلتەمە جاساپ.
رەفورمالاۋ اياسىندا قدب ەلىمىز ءۇشىن ستراتەگيالىق جانە ەكونوميكالىق ماڭىزى بار، وتەلۋ مەرزىمى ۇزاق اۋقىمدى ءارى كاپيتالدى كوپ قاجەت ەتەتىن ينۆەستيسيالىق جوبالاردى، سونداي-اق يندۋستريالىق وندىرىستەردى قارجىلاندىرۋعا كوبىرەك باعدارلانادى دەپ جوسپارلانىپ وتىر.
«قدب جاڭا ءوندىرىس ورىندارىن قۇرۋ جوبالارىن قارجىلاندىرۋعا ماڭىز بەرۋى ءتيىس. قىزمەتتىڭ اشىقتىعىن ارتتىرۋ، بيزنەس-پروسەستەردى وڭتايلاندىرۋ مەن سيفرلاندىرۋ جانە بانك قىزمەتتەرىنىڭ قولجەتىمدىلىگىن كەڭەيتۋ جونىندەگى جۇمىستاردى ودان ءارى جالعاستىرۋ قاجەت»، — دەپ اتاپ ءوتتى ق ر پرەمەر-مينيسترى ءا.سمايىلوۆ.