2024 جىلعى 30 مامىردا قازاقستان رەسپۋبليكاسىنىڭ پرەمەر-مينيسترى ولجاس بەكتەنوۆ «تۇركىستان قالاسىنىڭ ەرەكشە مارتەبەسى تۋرالى» زاڭ جوباسىن پارلامەنت ءماجىلىسىنىڭ قاراۋىنا ەنگىزۋ تۋرالى قاۋلىعا قول قويدى. بۇل زاڭ جوباسى مەملەكەت باسشىسىنىڭ تۇركىستان وبلىسىنا جۇمىس ساپارى بارىسىندا بەرگەن تاپسىرمالارىن ورىنداۋ ماقساتىندا ازىرلەندى، دەپ حابارلايدى almaty-akshamy.kz
تۇركىستاننىڭ رۋحاني-مادەني جانە تاريحي ورتالىق رەتىندە دامۋى
زاڭ جوباسى تۇركىستان قالاسىن قازاقستاننىڭ رۋحاني-مادەني جانە تاريحي ورتالىعى رەتىندە قالىپتاستىرۋ مەن دامىتۋدىڭ قۇقىقتىق نەگىزدەرىن بەلگىلەيدى. قۇجات قالانىڭ تاريحي-مادەني ماڭىزى بار ەسكەرتكىشتەرى مەن وبەكتىلەرىن، ونىڭ ىشىندە قوجا احمەت ياساۋي كەسەنەسىن قورعاۋ اۋماعىندا ورنالاسقان ەسكەرتكىشتەردى باسقارۋدىڭ، ساقتاۋدىڭ جانە ولاردىڭ تۇتاستىعىن قولداۋدىڭ وڭتايلى جۇيەسىن قۇرۋعا مۇمكىندىك بەرەدى.
سونىمەن قاتار، زاڭ جوباسى كەسەنە اۋماعىندا عىلىمي ارحەولوگيالىق زەرتتەۋلەر مەن عىلىمي-رەستاۆراسيالاۋ جۇمىستارىن جوسپارلاۋ مەن باسقارۋدى قامتاماسىز ەتەدى.
مادەني مۇرانى ساقتاۋ جانە جاڭعىرتۋ
زاڭ جوباسى مادەني مۇرانى ساقتاۋ جانە جاڭعىرتۋ، ءداستۇرلى قولونەردى دامىتۋ، تۇركىستان قالاسىن رۋحاني-مادەني، تاريحي جانە تۋريستىك ورتالىق رەتىندە دامىتۋ جانە ىلگەرىلەتۋ ماقساتتارىن كوزدەيدى. قوجا احمەت ياساۋي كەسەنەسىنىڭ بىرەگەيلىگىن ساقتاۋ ماقساتىندا تاريحي ورتالىقتىڭ قۇرىلىسىن رەتتەۋ ايماعىندا بيىكتىگى 7 مەتردەن اساتىن، سونداي-اق تاريحي ەسكەرتكىشتەرمەن ۇيلەسپەيتىن وبەكتىلەردىڭ قۇرىلىسىنا جول بەرىلمەيدى.
تاريحي-مادەني مۇرا وبەكتىلەرىن قورعاۋ
تۇركىستان قالاسىنىڭ تاريحي-مادەني مۇرا وبەكتىلەرىن ساقتاۋ جانە قورعاۋ ءۇشىن ءاربىر وبەكتىگە تاريحي-مادەني مۇرا وبەكتىلەرىن قورعاۋ جانە پايدالانۋ سالاسىنداعى زاڭناماعا سايكەس ولاردىڭ قورعاۋ ايماقتارى بەلگىلەنەدى. قالانىڭ باس جوسپارىنا ەنگىزىلەتىن تاريحي-ساۋلەت تىرەك جوسپارلارى مەن تاريحي-مادەني مۇرا وبەكتىلەرىنىڭ ءتيىستى جەرگىلىكتى جەردىڭ كارتا-سحەمالارى جاسالادى.
قالا اۋماعىندا تاريحي-مادەني مۇرا وبەكتىلەرىنە ءقاۋىپ توندىرەتىن قۇرىلىس جانە شارۋاشىلىق قىزمەت جۇرگىزۋ تىيىم سالىنادى. ارحەولوگيا ەسكەرتكىشتەرىنىڭ تۇتاستىعىن، ءتۇپنۇسقالىعىن ساقتاپ قالۋ ماقساتىندا تۇركىستان قالاسىنىڭ ارحەولوگيا ەسكەرتكىشتەرىنىڭ رەزەرۆاتى قۇرىلادى. رەزەرۆاتا ەنگىزىلگەن ەسكەرتكىشتەردى قورعاۋ ساياساتى تۇراقتى ينسپەكسيالاۋ، الدىن الا كۇتىم جاساۋ جانە قولداۋ باعدارلامالارىنا نەگىزدەلەدى.
قوسىمشا قۇزىرەتتەر بەرۋ
ق ر پرەمەر-مينيسترى ولجاس بەكتەنوۆ «ق ر كەيبىر زاڭنامالىق اكتىلەرىنە تۇركىستان قالاسىنا ەرەكشە مارتەبە بەرۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا پارلامەنت ءماجىلىسىنىڭ قاراۋىنا ەنگىزۋ تۋرالى قاۋلىعا قول قويدى. بۇل زاڭ جوباسى تۇركىستان قالاسىنىڭ رۋحاني-مادەني جانە تاريحي ورتالىق رەتىندە دامۋىن قامتاماسىز ەتۋگە مۇمكىندىك بەرەتىن ءتيىمدى ينستيتۋسيونالدىق ورتا قۇرۋ ءۇشىن ۋاكىلەتتى ورگاندار مەن جەرگىلىكتى وكىلدى جانە اتقارۋشى ورگانداردىڭ قۇزىرەتتەرىن كەڭەيتۋگە باعىتتالعان.
ەسكە سالا كەتەيىك، 2021 جىلى تۇركىتىلدەس مەملەكەتتەردىڭ ىنتىماقتاستىق كەڭەسىنىڭ بەيرەسمي ءسامميتىنىڭ قورىتىندىسى بويىنشا تۇركىستان قالاسىن تۇركى الەمىنىڭ رۋحاني استاناسى دەپ تانۋ تۋرالى شەشىم قابىلدانعان بولاتىن.