ۇكىمەت كىرمە جولدارداعى قالپىنا كەلتىرۋ جۇمىستارىن جالعاستىرىپ جاتىر

مۇنداي قىزمەتتەردىڭ وبەكتيۆتى قۇنىن انىقتاۋ بويىنشا جۇيەلى جۇمىس جۇرگىزۋدە.

قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى رومان سكليار كىرمە جولداردىڭ تاريفتەرى بويىنشا كەزەكتى كەڭەس وتكىزدى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.

ۇكىمەت مۇنداي قىزمەتتەردىڭ وبەكتيۆتى قۇنىن انىقتاۋ بويىنشا جۇيەلى جۇمىس جۇرگىزۋدە. وسىلايشا، تالداۋ بارىسىندا ۋاكىلەتتى ورگاندار 86 تابيعي مونوپوليا سۋبەكتىسىن انىقتادى، ولار بويىنشا كورسەتىلگەن قىزمەتتەر قۇنىنىڭ سەنىمدىلىگىنە قاتىستى ءتيىستى شارالار قابىلداناتىن بولادى. قابىلدانعان شارالاردىڭ ناتيجەسىندە ءبىرقاتار سۋبەكتىلەردىڭ تاريفتەرى تومەندەتىلدى.

مىسالى، «كناۋف» (الماتى وبلىسىنداعى قۇرىلىس ماتەريالدارىن ءوندىرۋشى) جانە «قازحروم» اق (اقتوبە وبلىسىنداعى فەرروحروم ءوندىرۋشى) قىزمەتتەرىنىڭ قۇنى ۆاگون/كم 2 117،98 تەڭگەدەن 147،3 تەڭگەگە دەيىن تومەندەتىلدى. بۇل شارالار تاسىمالداۋ شىعىندارىنا جانە وسى كومپانيالاردىڭ ونىمدەرىنىڭ سوڭعى قۇنىنا وڭ اسەر ەتەدى.

بۇدان بۇرىن حابارلانعانداي، بيىلعى 1 اقپانىنان باستاپ ەلىمىزدىڭ ءبىرقاتار وبلىسىندا (نۇر-سۇلتان، الماتى، قىزىلوردا، باتىس قازاقستان، قوستاناي، الماتى، پاۆلودار، اقمولا، قاراعاندى، شىعىس قازاقستان، اقتوبە جانە سولتۇستىك قازاقستان وبلىستارى) كىرمە جولداردى ۇسىنۋ بويىنشا قىزمەت كورسەتەتىن 21 سۋبەكتىنىڭ تاريفتەرى تومەندەتىلدى. ۇكىمەت بۇل باعىتتاعى جۇمىستى ودان ءارى جالعاستىراتىن بولادى.