يمپورتقا تاۋەلدىلىكتى ازايتۋ مىندەتى قاراستىرىلدى
اقتوبە وبلىسىنا جۇمىس ساپارى بارىسىندا اۋىل شارۋاشىلىعى قۇرىلىمدارىنىڭ باسشىلارىمەن كەزدەسكەن پرەمەر-مينيستر اگروونەركاسىپتىك كەشەندى دامىتۋ ماسەلەلەرى تۋرالى پىكىر الماستى، دەپ حابارلايدى Almaty-akshamy.kz Inform.kz-كە سىلتەمە جاساپ.
پرەمەر-مينيستر حرومتاۋ اۋدانىندا «اكمەز» ج ش س ماي ەكستراكسيالىق زاۋىتىندا بولدى. كاسىپورىن جىلىنا 21 مىڭ توننا شيكى وسىمدىك مايىن جانە 26 مىڭ توننا كۇنجارا شىعارادى. زاۋىت ءونىمى ىشكى نارىقتا سۇرانىسقا يە، سونداي-اق قىتايعا، رەسەيگە، وزبەكستانعا جانە تاجىكستانعا جەتكىزىلەدى. ءاليحان سمايىلوۆ اۋىل شارۋاشىلىعىندا ينۆەستيسيالىق جوبالاردى ىسكە قوسۋ - ەلىمىزدىڭ ازىق-تۇلىك قاۋىپسىزدىگىن قامتاماسىز ەتۋ جولىنداعى باستى مىندەت ەكەنىن اتاپ ءوتتى. بۇگىنگى تاڭدا ۇكىمەت شارۋالاردى كەشەندى تۇردە قولداۋ شارالارىن ىسكە اسىرىپ وتىر. اتاپ ايتقاندا، ينۆەستيسيالىق شىعىنداردى سۋبسيديالاۋ، سونداي-اق اينالىم قاراجاتىن تولىقتىرۋعا ارنالعان كرەديتتەر بويىنشا پايىزدىق مولشەرلەمەلەر جانە قايتا وڭدەۋگە ارنالعان جابدىقتار ليزينگى قاراستىرىلعان.
«وسىنداي قولداۋدىڭ جانە كليمات ەرەكشەلىكتەرىنىڭ ارقاسىندا اقتوبە وبلىسىندا مال شارۋاشىلىعى، ونىڭ ىشىندە ءسۇت ونىمدەرى ءوندىرىسى قارقىندى دامىپ كەلەدى. وبلىس تۇرعىندارىن جەرگىلىكتى ونىممەن قامتاماسىز ەتۋ جانە ونى باسقا وڭىرلەرگە جەتكىزۋدى ۇيىمداستىرۋ ماقساتىندا اتالعان جۇمىستى جالعاستىرعان ءجون. بۇل يمپورتقا تاۋەلدىلىكتى ازايتۋعا جانە ىشكى نارىقتاعى باعانى تۇراقتاندىرۋعا جول اشادى»، - دەدى ۇكىمەت باسشىسى.
كاسىپورىندا پرەمەر-مينيستر ءبىرقاتار اۋىل شارۋاشىلىعى قۇرىلىمدارىنىڭ باسشىلارىمەن كەزدەسىپ، اگروونەركاسىپتىك كەشەندى دامىتۋدىڭ پروبلەمالىق ماسەلەلەرىنە تالقىلادى. اتاپ ايتقاندا، فەرمەرلەردى مەملەكەتتىك قولداۋ، سۋبسيديالاۋ، اۋىل شارۋاشىلىعى ماقساتىنداعى جەرلەردى ءبولۋ، مال شارۋاشىلىعىن دامىتۋ ماسەلەلەرى قىزىقتىردى.
«وسى جىلدىڭ سوڭىنا دەيىن ءبىز شارۋالارمەن ءبىرقاتار كەزدەسۋ وتكىزىپ، سۋبسيديالاۋ جۇيەسىن رەفورمالاۋ ماسەلەلەرىن تالقىلايمىز. ءتيىستى قۇجات بەس جىل مەرزىمگە قابىلدانادى. جالپى، ۇكىمەت اۋىل شارۋاشىلىعى سالاسىن قولداۋ شارالارىن كەڭەيتىپ جاتىر. بيىل ءبىز بيۋدجەتتى ەكى ەسە ارتتىرۋ مۇمكىندىگىن قاراستىردىق. بۇل - ازىق-تۇلىك قاۋىپسىزدىگىن قامتاماسىز ەتۋ، ىشكى ءوندىرىستى قولداۋ جانە ينفلياسيانى تەجەۋ ماسەلەلەرىنە بايلانىستى»، - دەپ اتاپ ءوتتى ءاليحان سمايىلوۆ.
ەسكە سالساق، ق ر پرەمەر-مينيسترى ءاليحان سمايىلوۆ اقتوبە وبلىسىنا جۇمىس ساپارى بارىسىندا ءوڭىردىڭ كەشەندى الەۋمەتتىك-ەكونوميكالىق دامۋى جونىندە كەڭەس وتكىزدى. ءبىرقاتار ماڭىزدى ينفراقۇرىلىمدىق جانە وندىرىستىك نىسانداردى ارالادى. «اقتوبە-ۇلعايسىن» اۆتوجولىن قارجىلاندىرۋ تەتىكتەرىن انىقتاۋدى تاپسىردى.