بۇل – ءيسى مۇسىلماننىڭ ۇلىق مەرەكەسى.
ق ر پرەمەر-مينيسترى ولجاس بەكتەنوۆتىڭ قازاقستاندىقتاردى ورازا ايت مەرەكەسىمەن قۇتتىقتادى، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.
قۇرمەتتى قازاقستاندىقتار!
سىزدەردى ءيسى مۇسىلمان قاۋىمىنىڭ ۇلىق مەرەكەسى – ورازا ايتتىڭ باستالۋىمەن شىن جۇرەكتەن قۇتتىقتايمىن.
ورازا ايت – باۋىرمالدىق پەن ءوزارا جاناشىرلىقتىڭ، يگىلىكتى ىستەر مەن قايىرىمدىلىقتىڭ مەرەكەسى. حالقىمىزعا ءتان ءداستۇرلى ادامگەرشىلىك قاسيەتتەر، اسىرەسە اۋقىمدى تابيعي اپات ورىن العان قازىرگىدەي كۇردەلى كەزەڭدە ايقىن كورىنىس تاۋىپ وتىر. بىرلىگى بەكەم ەلدىڭ بەرەكەسى مول. وسىناۋ بىرەگەي قۇندىلىقتار مەملەكەتىمىزدىڭ ودان ءارى ورنىقتى دامۋىنىڭ نەگىزى بولا بەرمەك.
رامازان ايىندا اۋىز بەكىتكەن قاۋىمنىڭ ىزگى نيەتتەرى قابىل بولىپ، حالقىمىزدىڭ ىنتىماعى ارتا بەرسىن.
بارشاڭىزعا زور دەنساۋلىق، وتباسىلارىڭىزعا اماندىق، ەڭبەكتەرىڭىزگە تابىس تىلەيمىن!