ۇكىمەت باسشىسى مەن قىزمەتكەرلەرى «قازاقستان حالقىنا» قورىنا ءبىر كۇندىك ەڭبەكاقىلارىن اۋداردى

ۇكىمەت بيزنەس وكىلەدىرن قولداۋعا شاقىرادى

مەملەكەت باسشىسى قاسىم-جومارت كەمەل ۇلى توقايەۆتىڭ بيىلعى 11 قاڭتاردا ق ر پارلامەنتى ءماجىلىسىنىڭ وتىرىسىندا بەرگەن تاپسىرماسىن ورىنداۋ اياسىندا قازاقستاننىڭ بىرنەشە قوعامدىق ۇيىمى «قازاقستان حالقىنا» قوعامدىق الەۋمەتتىك قورىن (ءقاق) قۇردى، دەپ حابارلايدى Almaty-akshamy.kz.

قوردىڭ قۇرىلتايشىلارى «قازاقستان حالقىنا» ءقاق ءتوراعاسى قىزمەتىنە مەملەكەت قايراتكەرى، بەلگىلى قارجىگەر بولات جامىشيەۆتى سايلادى.

باقىلاۋشىلار كەڭەسىنە دەنساۋلىق ساقتاۋ مەن ءبىلىم بەرۋ سالالارىنىڭ بەلگىلى قايراتكەرلەرى، سونداي-اق ق ر قوعامدىق بىرلەستىكتەرىنىڭ وكىلدەرى كىردى.

قازاقستان حالقىنا» ءقاق دەنساۋلىق ساقتاۋ، ءبىلىم بەرۋ، حالىقتىڭ الەۋمەتتىك جاعىنان از قامتىلعان توپتارىن الەۋمەتتىك قولداۋ سالاسىنداعى ناقتى پروبلەمالاردى شەشۋمەن اينالىساتىن بولادى. قوردىڭ قىزمەتى قوعامدى بىرىكتىرۋگە جانە الەۋمەتتىك ادىلەتتىلىكتى نىعايتۋعا ىقپال ەتەدى. قور جەكە جانە مەملەكەتتىك كوزدەردەن قارجىلاندىرىلادى، سونىمەن قاتار حالىقارالىق قايىرىمدىلىق ۇيىمدارىنىڭ كومەگىن تارتۋ جوسپاردا بار. ق ر ۇكىمەتىنىڭ باسشىسى ءا. سمايىلوۆ پەن ق ر پرەمەر-مينيسترى كەڭسەسىنىڭ قىزمەتكەرلەرى ءبىر كۇندىك ەڭبەكاقىلارىن «قازاقستان حالقىنا» قورىنا اۋداردى. ۇكىمەت بيزنەس وكىلدەرىن، ەڭ الدىمەن، ءىرى بيزنەستى الەۋمەتتىك جاۋاپكەرشىلىك تانىتىپ، قوردى قارجىلاندىرۋعا كومەك كورسەتۋگە شاقىرادى.