بۇل تۋرالى ۇكىمەت وتىرىسىندا پرەمەر-مينيستر ءاليحان سمايىلوۆ ايتتى.
ۇكىمەت باسشىسىنىڭ ايتۋىنشا، وتكەن قىس مەزگىلى جىلۋ ەنەگەتيكاسىنداعى كوپتەگەن پروبلەمالاردىڭ بار ەكەنىن كورسەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مۇنىڭ بارلىعى – اكىمدىكتەردىڭ كوپ جىلدار بويى جىلىتۋ ماۋسىمىنا نەمقۇرايلى قاراپ كەلگەندىگىنىڭ سالدارى. ەكىباستۇز، رۋدنىي جانە ريددەر قالالارىندا جاعداي وتە كۇردەلى بولدى. ونداعى ماسەلەلەردى كۇنى-تۇنى باقىلاۋعا الىپ، شۇعىل تۇردە شەشۋگە تۋرا كەلدى. ۇكىمەتتىك كوميسسيا قۇرىلىپ، جەرگىلىكتى جەرگە بارىپ، جۇمىس ىستەگەن جاعدايلار دا بولدى. اتالعان ماسەلەلەر ۇكىمەتتە بىرنەشە رەت قارالدى»، - دەدى ۇكىمەت باسشىسى.
پرەمەر-مينيستر بارلىق اكىمدىك بۇدان قورىتىندى شىعارىپ، مۇنداي جاعدايعا قايتا جول بەرمەۋ ءۇشىن ساپالى جۇمىس ىستەۋ كەرەكتىگىن باسا ايتتى.
«وتكەن جىلىتۋ ماۋسىمىندا اپاتتار سانى ايتارلىقتاي ارتتى. ءتىپتى ءىرى قالالاردىڭ وزىندە جىلۋ ەنەرگياسىنىڭ جەتپەي قالۋى سەبەپتى، ورتاشا تەمپەراتۋرانى تومەندەتىپ بەرۋگە تۋرا كەلدى. نەگىزگى جابدىقتاردىڭ توزۋىنا بايلانىستى باسقا دا كوپتەگەن ينفراقۇرىلىمدىق اقاۋلار ورىن الدى. مۇنىڭ بارلىعى تۇرعىنداردىڭ ورىندى نارازىلىعىنا الىپ كەلدى»، - دەدى ءاليحان سمايىلوۆ.