ۇكىمەت باسشىسى ا. مامين رەسەي ۇكىمەتى ءتوراعاسىنىڭ ورىنباسارى م. حۋسنۋللينمەن كەزدەسۋ وتكىزدى

ق ر پرەمەر-مينيسترى اسقار مامين رف ۇكىمەتى ءتوراعاسىنىڭ ورىنباسارى مارات حۋسنۋللينمەن كەزدەسۋ وتكىزدى.

تاراپتار ساۋدا-ەكونوميكا، ونەركاسىپتىك كووپەراسيا، ترانزيتتىك-كولىك، قۇرىلىس سالالارىنداعى ىنتىماقتاستىقتى ودان ءارى دامىتۋ، سونداي-اق ق ر مەن رف ايماقارالىق ىنتىماقتاستىعىنىڭ XVII فورۋمى اياسىندا قول جەتكىزىلگەن جوعارى دەڭگەيدەگى ۋاعدالاستىقتاردى ىسكە اسىرۋ ماسەلەلەرىن تالقىلادى، دەپ حابارلايدى Almaty-akshamy.kz. رrimeminister.kz-كە سىلتەمە جاساپ.

كەلىسسوز بارىسىندا كولىك ينفراقۇرىلىمىنىڭ وزىق دامۋى، ەكى ەلدىڭ ترانزيتتىك الەۋەتىن كۇشەيتۋ جانە «باتىس ەۋروپا – باتىس جۇڭگو»، «سولتۇستىك – وڭتۇستىك» دالىزدەرى جانە ەاەو كەڭىستىگىندەگى باسقا باعىتتار اياسىنداعى ايماقتىق كولىكتىك ءوزارا بايلانىس ماسەلەلەرىنە ەرەكشە نازار اۋدارىلدى. 

ق ر پرەمەر-مينيسترى ينفراقۇرىلىمدى دامىتۋ جۇمىستارىن ۇيلەستىرۋ، سونداي-اق قازاقستان-رەسەي شەكاراسى ارقىلى وتكىزۋ پۋنكتتەرىن رەكونسترۋكسيالاۋ ارقىلى كولىك الەۋەتىنىڭ تيىمدىلىگىن ارتتىرۋ قاجەت ەكەنىن اتاپ ءوتتى. رەسەي – قازاقستاننىڭ نەگىزگى ساۋدا-ەكونوميكالىق سەرىكتەسى. بيىل ەلدەر اراسىنداعى ساۋدا-ەكونوميكالىق ىنتىماقتاستىق سەرپىنى بىرتىندەپ قالپىنا كەلتىرىلىپ جاتىر.

وسى جىلعى قاڭتار-شىلدە ايلارىندا ەكىجاقتى تاۋار اينالىمى $12،7 ملرد قۇرادى، بۇل 2020 جىلعى سايكەس كەزەڭىنىڭ كورسەتكىشىنەن 26،7%-عا جوعارى.

قازىرگى ديناميكا ساقتالعان جاعدايدا، ەكى ەل اراسىنداعى ساۋدا كولەمى بيىل $20 ملرد-تان اسۋى مۇمكىن.