ايىپپۇل ساپاسىز قىزمەت ءۇشىن سالىنعان.
ولار بيۋدجەتكە 835 ملن تەڭگە ايىپپۇل تولەدى، دەپ حابارلايدى Almaty-akshamy.kz
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ساپاسىز قىزمەت كورسەتكەن ۇيالى بايلانىس وپەراتورلارىنا قانشا تەڭگە ايىپپۇل سالىنعانىن جاريالادى.
«2019 جىلى 51 تەكسەرۋ جۇرگىزىلىپ، 10،8 ملن تەڭگە سوماسىنا ايىپپۇل سالىندى. ال 2020 جىلى تەكسەرۋ سانى 93-كە جەتتى. سالىنعان ايىپپۇل كولەمى - 23،9 ملن تەڭگە»، - دەپ اتاپ ءوتتى ۆەدومستۆونىڭ باسپا ءسوز قىزمەتى.
مينيسترلىك ءمالىم ەتكەندەي، 2021 جىلدىڭ قورىتىندىسىندا 562 تەكسەرۋ جۇرگىزىلدى. ونىڭ بارىسىندا 371 زاڭ بۇزۋشىلىق انىقتالدى. وسىعان وراي ۇيالى بايلانىس وپەراتورلارى 132 ملن تەڭگە ايىپپۇل تولەۋگە ءماجبۇر بولدى. 2022 جىلى تەكسەرۋ سانى ەسەلەپ ارتتى. 1 175 تەكسەرۋدىڭ ناتيجەسىندە وپەراتورلارعا 1 ملرد 670 ملن تەڭگە ايىپپۇل سالىندى. دەگەنمەن ۇيالى وپەراتورلارعا جەڭىلدىكتەر بەرىلىپ، ولار بيۋدجەتكە 835 ملن تەڭگە ايىپپۇل تولەدى.