الماتى پوليسيا دەپارتامەنتىنىڭ قىزمەتتەرى مەن بولىمشەلەرى كۇشەيتىلگەن رەجيمدە جۇمىس ىستەپ جاتىر، دەپ حابارلايدى اlmaty-akshamy.kz.
جالپى، قالاداعى ءتارتىپتى 2،5 مىڭعا جۋىق پوليسيا قىزمەتكەرى — پاترۋلدىك قىزمەتكەرلەر، ۋچاسكەلىك ينسپەكتورلار، يۋۆەنالدى پوليسيا قىزمەتكەرلەرى، جەدەل ۋاكىلدەر، سونداي-اق تەرگەۋ-جەدەل توپتارى قامتاماسىز ەتتى.
«ءتۇن سالىستىرمالى تۇردە تىنىش بولدى. قالاداعى جەدەل جاعدايدىڭ اسقىنۋىنا جول بەرىلمەدى. جول قاۋىپسىزدىگى ءتيىستى دەڭگەيدە قامتاماسىز ەتىلدى. 102 جەلىسى قالىپتى رەجيمدە جۇمىس ىستەپ تۇردى. ازاماتتاردان كەلىپ تۇسكەن قوڭىراۋلار سانى كوبەيگەن جوق»، — دەپ حابارلادى الماتى پوليسيا دەپارتامەنتى.
سونىمەن قاتار، باستاپقى كەزەڭدە ازاماتتاردىڭ مۇلكىنىڭ ساقتالۋىن قامتاماسىز ەتۋ جانە قىلمىستىڭ الدىن الۋ بويىنشا پروفيلاكتيكالىق ءىس-شارالار جۇرگىزىلدى.
ەشقانداي توناۋ فاكتىسى تىركەلمەگەن.