بۇل - وتكەن ايداعى مالىمەت.
ۇلتتىق ستاتيستيكا بيۋروسىنىڭ مالىمەتىنشە، ەلىمىزدە شىلدە ايىندا تۇرعىن ءۇيدى ساتۋ-ساتىپ الۋ مامىلەلەرىنىڭ سانى ازايعان، دەپ حابارلايدى Almaty-akshamy.kz
«2021 جىلعى شىلدەدە تۇرعىن ءۇيدى ساتۋ-ساتىپ الۋ بويىنشا تىركەلگەن مامىلەلەر سانى 46 255-كە جەتتى، بۇل وتكەن ايمەن سالىستىرعاندا 14،4% از بولدى»، – دەلىنگەن بيۋرو تاراتقان اقپاراتتا.
وتكەن شىلدە ايىندا تۇرعىن ءۇيدى ساتۋ-ساتىپ الۋ بويىنشا ەڭ كوپ كەلىسىم الماتى قالاسىندا جاسالعان – 6 833. ودان كەيىنگى ورىنداردا نۇر-سۇلتان قالاسى (5 708)، قاراعاندى وبلىسى (5 361)، ماڭعىستاۋ وبلىسى (3 356) جانە الماتى وبلىسى (3 252) تۇر.
جالپى، بيىلعى قاڭتار-شىلدە ايلارى ارالىعىندا باسپاناعا قاتىستى بارلىعى 323 693 كەلىسىم جاسالعان. بۇل وتكەن جىلدىڭ وسىنداي كەزەڭىمەن سالىستىرعاندا 2،2 ەسە كوپ.