فۋتبولدان UEFA ۇلتتار ليگاسىنىڭ ءتورتىنشى تۋرىنداعى قازاقستان-سلوۆاكيا كەزدەسۋىندە قازىلىق ەتەتىن تورەشىلەر قۇرامى بەلگىلى بولدى، دەپ حابارلايدى Almaty-akshamy.kz Inform.kz-كە سىلتەمە جاساپ.
كەزدەسۋدە بەلگيالىق براموم ۆان دريسكە باس تورەشى قىزمەتىن اتقارادى. وعان وتانداستارى رومەن ديەۆييەرس پەن كيەۆين مونتەني كومەكشىلىك جاسايدى. قوسالقى تورەشى دە بەلگيالىق جوناتان لاردو. سونداي-اق، تورەشىنىڭ ۆيدەو جونىنەن كومەكشىسى نيدەرلاندىلىق ينگمار وۋستروم.
ايتا كەتسەك، قازاقستاندىق فۋتبولشىلار س ليگاسى ءۇشىنشى توبىندا سىنعا تۇسەدى. قارسىلاستارى - بەلارۋس، ازەربايجان مەن سلوۆاكيا. العاشقى ءۇش تۋردان كەيىن 7 ۇپاي جيناعان قازاقستان ءبىرىنشى ورىندا كەلەدى.
قازاقستاندىق فۋتبولشىلار ازەربايجاندى 2:0، سلوۆاكيانى 1:0 ەسەبىمەن تىزە بۇكتىرسە، بەلارۋسپەن 1:1 ەسەبىمەن تەڭ ءتۇستى. قازاقستان-سلوۆاكيا كەزدەسۋى ەلوردا ۋاقىتىمەن 20:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.