ايەلدەر اراسىنداعى ەۋرو-2022 چەمپيوناتىنا رەسەيدىڭ ورنىنا پورتۋگاليا قاتىسادى
ەۋروپا فۋتبول قاۋىمداستىقتارىنىڭ وداعى ۋەفا رەسەيلىك كلۋبتاردى 2022-2023 ماۋسىمىندا ەۋروپا تۋرنيرلەرىنە قاتىسۋدان شەتتەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل جەردە اڭگىمە بيىلعى ۇلتتار ليگاسى، ەۋروپا ليگاسى، 2023 جىلعى ەۋروپا جاستار كۋبوگى مەن ايەلدەر اراسىنداعى الەم چەمپيوناتى جايىندا بولىپ وتىر. ديسكۆاليفيكاسيا ءۇشىن ەۋروكۋبوكقا كوماندا ىرىكتەۋ سىزباسى وزگەردى. مىسالى ۇلتتار ليگاسىندا رەسەيلىك قۇراماعا مەرزىمىنەن بۇرىن توپتاعى سوڭعى ورىن بەرىلەدى جانە بۇكىل كوماندالار اراسىنداعى كلاسى كەزەڭ-كەزەڭىمەن تومەندەيدى»،-دەلىنگەن ۇيىمنىڭ رەسمي سايتىندا.
ايەلدەر اراسىنداعى ەۋرو-2022 چەمپيوناتىنا رەسەيدىڭ ورنىنا پورتۋگاليا قاتىسادى.
رەسەيلىك كوماندالار مەن ۇلتتىق قۇرامالاردىڭ ويىننان قانشا ۋاقىتقا الاستاتىلعانى بەلگىسىز. ونىڭ ۇستىنە رەسەيدىڭ ەۋرو-2028 جانە ەۋرو-2032 كۋبوكتارىن وتكىزۋگە بەرگەن ءوتىنىشى جاۋاپسىز قالدى.
ۋەفا ءوز شەشىمىن تۇسىندىرە كەلە وداقتىڭ، باسقا ۇمىتكەرلەر مەن جالپى ەۋروپا فۋتبولىنىڭ ابىروي-بەدەلىنە نۇقسان كەلۋىنە جول بەرمەيتىن ەرەجەلەردى باسشىلىققا العانىن ايتادى.
رەسەي فۋتبول وداعى بۇل شەشىممەن مۇلدە كەلىسپەيتىنىن جانە سپورت اربيتراج سوتىنا ارىزداناتىنىن مالىمدەدى.