ۋچاسكەلىك مەديسينا قىزمەتكەرلەرىنە كۆي اۋرۋلارىن ۇيدە ەمدەگەنى ءۇشىن 3 بازالىق لاۋازىمدىق جالاقى مولشەرىندە قوسىمشا اقى تولەنەدى. بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«امبۋلاتوريالىق ناۋقاستاردىڭ سانىنىڭ وسكەنىن ەسكەرە وتىرىپ، دەنساۋلىق ساقتاۋ مينيسترلىگى وڭىرلەردىڭ جەرگىلىكتى اتقارۋشى ورگاندارىمەن بىرلەسىپ، مەديسينالىق-سانيتاريالىق العاشقى كومەكدەڭگەيىندە ۋاقتىلى مەديسينالىق كومەكتى نىعايتۋ جانە ۇيىمداستىرۋ بويىنشا ءىس-شارالار قابىلداۋدا»، - دەدى ول.
ءمينيستردىڭ دەرەگىنشە، قازىرگى ۋاقىتتا ەلىمىز بويىنشا 3 054 ءموبيلدى دارىگەرلىك بريگادا جۇمىس ىستەيدى، رەزەرۆتە 1 622 بريگادا بار. كۆي-مەن اۋىراتىن ناۋقاستاردى امبۋلاتوريالىق ەمدەۋگە ۋچاسكەلىك مەديسينا قىزمەتكەرلەرى كەڭىنەن تارتىلۋدا.
شۇعىل مەديسينالىق كومەكتى 1 486 جەدەل مەديسينالىق جاردەم بريگاداسى كورسەتەدى، رەزەرۆتە 150ء-ى جاساقتالعان.
ءقازىر كۆي كەزىندە مەديسينالىق كومەك كورسەتۋگە بارلىعى 40 مىڭعا جۋىق مەديسينا قىزمەتكەرى تارتىلعان.
رەزەرۆتە 4 556 مەديسينالىق قىزمەتكەر بار، ونىڭ 1217ء-ى - دارىگەر.
«مەديسينالىق-سانيتاريالىق العاشقى كومەك ۇيىمدارى قىزمەتكەرلەرىنىڭ جۇمىسىن ىنتالاندىرۋ ماقساتىندا ءموبيلدى بريگادالاردىڭ قايتا شىعۋىن، مىندەتتى الەۋمەتتىك مەديسينالىق ساقتاندىرۋ ارقىلى ۇيدەگى ستاسيونارلاردى كەڭەيتۋ جانە بەلسەندى اشۋعا قوسىمشا اقى تولەۋ بويىنشا ءىس-شارالار قابىلداندى. سونداي-اق، ۋچاسكەلىك مەديسينا قىزمەتكەرلەرىنە كۆي اۋرۋلارىن ۇيدە ەمدەگەن ءۇشىن 3 بازالىق لاۋازىمدىق جالاقى مولشەرىندە قوسىمشا اقى كوزدەلگەن»، - دەدى اجار عينيات.