ول ءۇشىن تالاپكەرلەر حالىقارالىق وليمپيادالاردىڭ جۇلدەگەرى بولۋى كەرەك
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ Facebook-تەگى پاراقشاسىندا جازعان.
قازاقستاندا حالىقارالىق وليمپيادا جۇلدەگەرلەرىنە ۇبت تاپسىرماي جوعارى وقۋ ورىندارىنا گرانتقا تۇسۋگە مۇمكىندىك بەرۋ جوسپارلانۋدا، دەپ حابارلايدى Almaty-akshamy.kz
مەملەكەت باسشىسىنىڭ تاپسىرمالارىن ىسكە اسىرۋ اياسىندا ءبىلىم جانە عىلىم مينسترلىگى مەكتەپكە دەيىنگى تاربيە مەن وقىتۋدى دامىتۋدىڭ جاڭا مودەلىن بەكىتتى. جاڭا مودەل اياسىندا تيپتىك باعدارلامالار وزگەرىپ، بىلىكتىلىكتى ارتتىرۋ بويىنشا جۇمىستار جۇرگىزىلۋدە.
«2021 جىلى ءبىز مەكتەپكە دەيىنگى وقىتۋ مەن تاربيەلەۋ جۇيەسىنە مەملەكەتتىك باقىلاۋدى ەنگىزدىك. 10 جىلدان استام ۋاقىت بۇرىن بالالاردى قامتۋدى جەدەل ارتتىرۋ جانە جەكە بالاباقشالاردى دامىتۋ ءۇشىن ولاردى ليسەنزيالاۋ مەن اتتەستاتتاۋدان بوساتۋ تۋرالى شەشىم قابىلداندى. ءقازىر بالالاردى 99% قامتىعان جاعدايدا بارلىق مەكتەپكە دەيىنگى ۇيىمداردا مەملەكەتتىك ستاندارتتىڭ ورىندالۋىن قامتاماسىز ەتۋ ماڭىزدى»، - دەپ جازدى اسحات ايماعامبەتوۆ.
مينيستر دارىندى بالالاردى قولداۋ ءۇشىن حالىقارالىق وليمپيادالاردىڭ جۇلدەگەرلەرىنە، سونداي-اق پەداگوگ-جاتتىقتىرۋشىلارعا اقشالاي سىيلىق تولەۋدى كوزدەيتىن زاڭ جوباسى ازىرلەنىپ، ماجىلىسكە ەنگىزىلگەنىن ايتتى.
«قابىلدانىپ جاتقان شارالارعا قوسىمشا رەتىندە حالىقارالىق وليمپيادا جۇلدەگەرلەرىنە ۇبت تاپسىرماي جوعارى وقۋ ورىندارىنا گرانتقا ءتۇسۋ مۇمكىندىگىن بەرۋدى جوسپارلاپ وتىرمىز»، - دەدى اسحات ايماعامبەتوۆ.