بۇل تۋرالى وقۋ-اعارتۋ ءمينيسترى ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«بالالار ۇلتتىق ءبىرىڭعاي تەستىلەۋدى تاپسىرىپ بولعاننان كەيىن دە ءتيىستى تەكسەرىس جۇرگىزىلەدى. ول تەكسەرىس قىسقا دەيىن سوزىلادى. كەيبىرەۋلەر گرانت تاراتىلعاندا ونى جەڭىپ العانىمەن، ۆيدەولاردى، باللدارىن قاراعان كەزدە ءارتۇرلى اۋىتقۋلار تابىلسا، وندا گرانت جويىلادى»، - دەدى اسحات ايماعامبەتوۆ مينيسترلىكتىڭ اپپارات جينالىسىندا.
ونىڭ اتاپ وتۋىنشە، تالاپكەردىڭ قاڭتاردا، ناۋرىزدا، مامىردا تاپسىرعان ۇبت قورىتىندىسى تەكسەرىلەدى.
«تەكسەرۋ بارىسىندا اۋىتقۋ 20، 30 باللدان كوپ بولسا، بىزدە كۇدىك پايدا بولادى. ءبىز ول بالالاردىڭ ۆيدەولارىن بولەك تولىعىمەن قارايمىز. ۇلتتىق تەستىلەۋ ورتالىعى وسىنداي ۇلكەن جۇمىس جۇرگىزىپ جاتىر. ەگەر كۇندەلىكتەگى ماتەماتيكادان باعاسى تومەن بولسا، ال ۇبت-دا جوعارى بالل السا، وندا قارايمىز. مۇمكىن شىن مانىندە جاقسى دايىندالعان شىعار. الايدا، بىزدە كۇدىك پايدا بولادى جانە ۆيدەوسىن قارايمىز»، - دەدى مينيستر.