ۇبت قاتىسۋشىلارى ءۇشىن تەستىلەۋ ناتيجەلەرىنە تاقىرىپتىق تالداۋ قولجەتىمدى

ۇبت قاتىسۋشىلارى ءۇشىن تەستىلەۋ ناتيجەلەرىنە جەكە تاقىرىپتىق تالداۋ ۇسىنىلادى.

دەرەكتەر ەمتيحان اياقتالعاننان كەيىن بىردەن قولجەتىمدى بولادى، بۇل تەستىلەۋگە دايىندىق ساپاسىن جاقسارتۋعا باعىتتالعان، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.

«تەستىلەۋگە دايىندىق ساپاسىن ارتتىرۋ ماقساتىندا 2022 جىلى تەستىلەۋ ناتيجەلەرىنە جەكە تاقىرىپتىق تالداۋدى ەنگىزدى. ەمتيحان اياقتالعاننان كەيىن تۇلەكتەر دۇرىس جانە بۇرىس جاۋاپتارمەن عانا ەمەس، سونىمەن قاتار ۇبت ناتيجەلەرىنىڭ تولىق تالداۋىمەن دە تانىسا الۋ مۇمكىندىگىنە يە. ياعني، تەستىلەنۋشىلەر جەكە تاقىرىپتار بويىنشا وزدەرىنىڭ ءالسىز جاقتارىن انىقتاي الادى. تالداۋ تەستىلەۋ اياقتالعاننان كەيىن بىردەن قولجەتىمدى بولىپ، تەستىلەنۋشىنىڭ جەكە كابينەتىندە ساقتالادى. مەنىڭ ويىمشا، تالداۋ نەگىزگى ۇبت-عا دايىندالۋ بارىسىندا ەرەكشە ماڭىزعا يە بولدى. بۇل تۇلەكتەرگە ءار ءپان بويىنشا ماتەريالدى يگەرۋ دەڭگەيىن باعالاۋعا، قاتەلىك جىبەرىلگەن تاقىرىپتاردى تەرەڭ زەرتتەۋگە كومەكتەسەدى. تاقىرىپتىق تالداۋ تالاپكەرلەرگە باستى ەمتيحانعا ساپالى دايىندالۋعا كومەكتەسەدى دەپ ۇمىتتەنەمىز»، - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

ەستەرىڭىزگە سالا كەتەيىك، تەستىلەۋ تۋرالى مالىمەتتەرمەن تالاپكەرلەر ۇتو سايتىنداعى app.testcenter.kz جەكە كابينەتتە نەمەسە UTO قوسىمشاسى ارقىلى تانىسا الادى.