نەگىزگى ۇبت باستالعاننان بەرى 264 مىڭ رەت تەست تاپسىرىلعان.
ونىڭ ىشىندە تالاپكەرلەردىڭ 75%-ى قازاق تىلىندە، 25%-ى ورىس تىلىندە، 197 ادام اعىلشىن تىلىندە تەستىلەۋدەن ءوتتى.
ۇبت باستالعالى شەكتى بالدى 77% تالاپكەر جينادى. ورتاشا بالعا كەلەتىن بولساق، ول 69 بالدى قۇرادى، دەپ حابارلايدى Almaty-akshamy.kz.
وقۋ-اعارتۋ مينيسترلىگنىڭ مالىمەتىنشە، ۇبت-نى وتكىزۋدىڭ التىنشى اپتاسىندا الماتى وبلىسىنىڭ تۇلەگى ەڭ جوعارى 140 بالدى جينادى. تالاپكەر ۇبت-نى «ماتەماتيكا-ينفورماتيكا» كومبيناسياسى بويىنشا كەشە، 27 ماۋسىمدا، الماتى وبلىسىنىڭ ەسىك قالاسىندا تاپسىرعان.
ەستەرىڭىزگە سالا كەتسەك، سوڭعى رەت ۇبت ناتيجەسى بويىنشا 140 بالدى پاۆلودار وبلىسىنىڭ تالاپكەرى 2021 جىلى جيناعان بولاتىن، ال 2018 جىلى الماتى قالاسىنىڭ تالاپكەرى جينادى.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا التى اپتانىڭ ىشىندە 620 تالاپكەر قاتىستى.