ۇبت باستالعالى تۇلەكتەر 267 مىڭ رەت تەست تاپسىرعان.
تەستىلەۋ كەزىندە ەرەجەلەردى بۇزعانى ءۇشىن اۋديتوريادان 273 ادام شىعارىلىپ، ولاردىڭ ناتيجەلەرى جويىلدى، دەپ حابارلايدى Almaty-akshamy.kz
تالاپكەرلەردىڭ 76%-ى قازاق تىلىندە، 24%-ى ورىس تىلىندە، 292 رەت اعىلشىن تىلىندە تەستىلەۋدەن ءوتتى.
ۇلتتىق تەستىلەۋ ورتالىعىنىڭ مالىمەتىنشە، ۇبت باستالعالى شەكتى بالدى جالپى تالاپكەركەردىڭ 79%-ى جيناعان. ورتاشا بالعا كەلەتىن بولساق، ول 70 بالدى قۇرادى. ءتورت ادام ەڭ جوعارى كورسەتكىش كورسەتىپ، 137 بالل جينادى.
ۇبت-نىڭ اياقتالۋىنا بىرنەشە كۇن قالدى. جاقىندا عانا گرانت ءتىزىمى جاريالاندى. گرانتتاردىڭ باسىم بولىگى "ينجەنەرلىك، وڭدەۋ، قۇرىلىس سالالارى" ءبىلىم بەرۋ باعدارلاما توپتارىنا ءبولىندى، ولاردىڭ سانى 18 744 گرانتتى قۇرايدى. ال "پەداگوگيكالىق عىلىمدارعا" – 12 560 گرانت، "اقپاراتتىق-كوممۋنيكاسيالىق تەحنولوگيالار" سالاسىنا – 10 103 گرانت، "جاراتىلىستانۋ عىلىمدارى، ماتەماتيكا جانە ستاتيستيكا" باعىتىنا – 7 388 گرانت ءبولىندى.
سونداي-اق، "سەرپىن" باعدارلاماسى ارقىلى تۇسۋشىلەرگە 3 653 گرانت قاراستىرىلعان. جالپى، باكالاۆرياتقا ءتۇسۋ ءۇشىن 2023-2024 وقۋ جىلىندا 73 مىڭعا جۋىق گرانت بولىنگەن.
ايتا كەتەيىك، ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا التى اپتانىڭ ىشىندە ولار 719 رەت ۇبت-عا قاتىستى.
بۇگىنگى تاڭدا 365 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 273 ادام شىعارىلىپ، ولاردىڭ ناتيجەلەرى جويىلدى. بوگدە تۇلعالار انىقتالعان جوق.
ايتا كەتسەك، 2023 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.