تيىسىنشە، گرانت قايتا قارالادى.
عىلىم جانە جوعارى ءبىلىم ءمينيسترى ساياسات نۇربەك بۇل باعىتتا مينيسترلىك ۇلتتىق قاۋىپسىزدىك كوميتەتىمەن وتە تىعىز جۇمىس ىستەپ جاتقانىن ايتتى، دەپ حابارلايدى Almaty-akshamy.kz
«وزدەرىڭىزگە ءمالىم، تەست تاپسىرمالارى مەن ولاردىڭ مازمۇنى «مەملەكەتتىك قۇپيا تۋرالى» زاڭنىڭ وبەكتىسى سانالادى. سوندىقتان مۇندا ۇقك تەرگەۋ جۇرگىزەدى. بيىل بۇكىل وڭىردە كوميتەتتىڭ دەپارتامەنتتەرى تىكەلەي باقىلاۋ جۇرگىزدى. ءبىزدىڭ ۇلتتىق تەستىلەۋ ورتالىعىنىڭ وكىلدەرىمەن بىرگە جۇمىس ىستەدى»، - دەدى مينيستر.
ساياسات نۇربەكتىڭ دەرەگىنشە، ۇبت كەزىندە 300-دەن استام تالاپقا سايكەس كەلمەۋ فاكتىلەرى انىقتالعان. ول تەكسەرۋ جۇمىستارى جۇرگىزىلەتىنىن ايتادى. سونداي-اق تالاپكەر ارەكەتىنىڭ ءمان-جايى قىركۇيەككە قاراي انىقتالادى دەيدى.
«بۇل جاعدايدىڭ بارىمەن ۇقك جانە ۇلتتىق تەستىلەۋ ورتالىعىنىڭ وكىلدەرىمەن بىرلەسىپ، قوسىمشا تەرگەۋ جۇرگىزىلەدى. ەگەر اقپارات راستالسا، وندا بالل جويىلادى. ەگەر وسى ۋاقىتقا دەيىن تالاپكەر گرانت يەگەرى اتانىپ ۇلگەرسە، وندا ول ونى كەيىن قايتارادى. تيىسىنشە، گرانت قايتا قارالادى. قىركۇيەك ايىندا ناقتى بەلگىلى بولادى. ەڭ جوعارى بالل جيناعان، ءبىراق گرانت الماعان ۇمىتكەرلەر اراسىندا وسى گرانتتار بولىنىسكە سالىنادى»، - دەپ تۇيىندەدى ساياسات نۇربەك.