29 اقپاننان 1 ناۋرىزعا قاراعان ءتۇنى ۋاقىت وزگەرەدى.
قازاقستاندىق قولدانۋشىلاردىڭ ءبىرازى ۇيالى تەلەفوندار مەن قۇرىلعىلاردىڭ اقپاراتتىق جۇيەلەرىنەن ءبىرىڭعاي ۋاقىت بەلدەۋىنە (UTC+5) كوشۋ تۋرالى حابارلاما الا باستادى، دەپ حابارلايدى Almaty-akshamy.kz
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ولاردى جاڭارتۋعا جانە جاڭا ۋاقىت بەلدەۋىنە ۋاقتىلى كوشۋگە ارنالعان امبەباپ نۇسقاۋلىق جاريالادى.
حابارلاما الماعان ازاماتتارعا ۋايىمداۋدىڭ ەش قاجەتى جوق، بار بولعانى قۇرىلعىنىڭ باعدارلامالىق جاساقتاماسىن سوڭعى نۇسقاعا دەيىن جاڭارتۋ قاجەت.
قۇرىلعىدا اۆتوماتتى جاڭارتۋ قوسۋلى بولسا، ۋاقىتتى اۆتوماتتى انىقتاۋ پارامەترلەردە قوسىلعان جانە ينتەرنەتكە قوسۋلى بولعان جاعدايدا، ۋاقىت اۆتوماتتى تۇردە وزگەرەدى، باسقا جاعدايدا ونى ءوزىڭىز وزگەرتۋىڭىز كەرەك، دەلىنگەن مينيسترلىك حابارلاماسىندا.