جاز كەزىندە ءىشى ءوتىپ، قۇساتىنداردىڭ سانى كوبەيە باستايدى. ءبىر قاراعانعا قورقاتىن ەشتەڭە جوق، ءبىراق سونىڭ سالدارىنان ومىردەن دە ءوتۋى مۇمكىن. ونىڭ ءبىرى - تىرىسقاق. ىشەك ينفەكسياسى توبىنا جاتاتىن، اسا ءقاۋىپتى ءارى جۇقپالى اۋرۋ. حولەرا ۆيبريونىن تىرىسقاقتىڭ قوزدىرعىشى دەپ تە اتايدى. سەبەبى، ولار سىرتقا كوپ مولشەردە تىرىسقاق قوزدىرعىشىن ءبولىپ شىعارادى. ول دەگەنىمىز - ناۋقاستىڭ ءناجىسى، قۇسىعى ارقىلى سۋعا، تاماققا، كيىم-كەشەككە، ىدىس-اياققا، كورپە-توسەككە ت.ب. جەرلەرگە تۇسەدى. ءتىپتى اۋرۋ اۋىز ارقىلى دا جۇعادى.
تىرىسقاق اۋرۋدىڭ تارالۋىنا ءبىرىنشى سەبەپكەر - سۋ. قوزدىرىشپەن لاستانعان سۋدى ىشۋگە نەمەسە شارۋاشىلىقتا پايدالانۋعا بولمايدى. ماسەلەن، جەمىس-جيدەك نەمەسە كوكونىستەردى جۋىپ شايعان كەزدە ادامعا جۇعادى. ەگەر كەسەل سۋ ارقىلى جۇقسا، سول ىدىستان سۋ نە تاماقتانعان ادامدار دا اۋرۋعا شالدىعادى.
تىرىسقاقتىڭ قوزدىرعىشى وتە جۇقپالى. ونىڭ ازىق-تۇلىككە تۇسۋىنە كوبىنە ۆيبريون تاسىمالداۋشىلار سەبەپ بولسا، اۋرۋدى تاراتاتىن - شىبىندار. اۋرۋدىڭ بۇل ءتۇرى وتە جۇقپالى. ناۋقاستىڭ ءىشى اۋىرماي، جيە وتە باستايدى. ۇستى-ۇستىنە قۇسادى. قۇسىقتىڭ ءتۇرى كۇرىشتەن جاسالعان قايناتپاعا وتە ۇقساس بولادى. ءىشتىڭ ءوتۋى بىرنەشە ساعاتتان 5 كۇنگە دەيىن سوزىلۋى مۇمكىن. كوبىنە 2-3 كۇنگە سوزىلادى. اۋرۋدىڭ الدىن الۋى ءۇشىن جاز مەزگىلىندە تەكسەرىلىپ، بەلگىنگەن جەرلەرگە شومىلىپ، كوكونىس جانە جەمىس-جيدەكتەردى جۋىپ پايدالانۋ قاجەت. سونداي-اق جەكە باس گيگيەناسىن، اسىرەسە، بالالار اراسىندا قاتاڭ ساقتاۋ قاجەت. اۋىزسۋدى مىندەتتى تۇردە قايناتىپ ءىشۋ كەرەك. اس دايىنداۋ، ىدىس جۋۋ جانە اۋىزسۋ ءۇشىن اشىق ايدىن-ارىقتاردىڭ سۋىن پايدالانعان ءجون. ۇيدەگى تاماقتى اشىق قالدىرماي، تەز بۇزىلاتىندارىن توڭازىتقىشقا سالعان دۇرىس. ۇيدەگى قوقىستى ۋاقىتىلى شىعارىپ، ءۇي ءىشى مەن اۋلانىڭ تازالىعىن ساقتاۋ كەرەك.
س.سۇلەيمەنوۆا،
المالى اۋدانى سانيتاريالىق-ەپيدەميالوگيالىق
باقىلاۋ باسقارماسى ەقب باسشىسى
ا.يبراگيموۆا،
المالى اۋدانى سانيتاريالىق-ەپيدەميالوگيالىق
باقىلاۋ باسقارماسى ەقب باس مامانى