الماتى پروكۋراتۋراسى 2019-2023 جىلدارعا ۇلتتىق كينونى قولداۋعا بولىنگەن بيۋدجەت قاراجاتىن يگەرۋگە قاتىستى تەكسەرىس جۇرگىزدى، دەپ حابارلايدى aqshamnews.kz.
«ۇلتتىق فيلمدەردiڭ قارجىسى تيiمسiز يگەرىلگەنى انىقتالدى. 2019-2021 جىلدار كەزەڭىندە «ۆىبور» كينوفيلمىنە 500 ميلليون تەڭگە ءبولىندى. الايدا اتالعان فيلم پروكاتقا سول كۇيى شىقپادى»، - دەپ مالىمدەدى پروكۋراتۋرا.
«كينەماتوگرافيا تۋرالى» قازاقستان زاڭىنىڭ 12-بابى، 1-تارماعىنا ساي، مەملەكەتتىك قارجىلىق قولداۋ، ۇلتتىق فيلمدەردى جانە سوعان بايلانىستى ءىس-شارالاردى شىعارۋدى، پروكاتتاۋدى جانە كورسەتۋدى ۇيىمداستىرۋ، سونداي-اق ۇلتتىق فيلمدەردى شەتەلدە كورسەتۋ ءۇشىن ۇسىنىلادى. ونىڭ ۇستىنە، اتالعان فيلمگە پروكاتتاۋ كۋالىگى الىنباعان، بۇل زاڭعا قايشى كەلەدى.
مەملەكەت زاڭنامادا كوزدەلگەن پروكاتتان جانە فيلم كورسەتىلىمىنەن تۇسەتىن كىرىستىڭ 20 پايىزىن الۋ مۇمكىندىگىنەن ايىرىلعان.
سونىمەن قاتار 421 ميلليون تەڭگەگە قارجىلاندىرىلعان «تىرنالار» ءفيلمى پروكاتقا شىققان جوق.
«2019 جىلدان باستاپ فيلمدەر مونيتورينگىنىڭ ءبىرىڭعاي اۆتوماتتاندىرىلعان اقپاراتتىق جۇيەسى قولدانىسقا ەنگىزىلمەگەن، ول ەلدىڭ بارلىق كينوتەاترلارىندا كينوكورسەتىلىمدەر مەن ساتىلعان بيلەتتەر بويىنشا، سونداي-اق ءفيلمنىڭ بيۋدجەتى بويىنشا ستاتيستيكانى قاداعالاۋعا مۇمكىندىك بەرەر ەدى»، - دەپ مالىمدەدى الماتى پروكۋراتۋراسىنىڭ باسپا ءسوز قىزمەتى.
قاداعالاۋ اكتىسى بويىنشا مادەنيەت جانە اقپارات مينيسترلىگى مادەنيەت كوميتەتى ءتوراعاسىنىڭ ورىنباسارى، سونداي-اق «ۇلتتىق كينونى قولداۋ مەملەكەتتىك ورتالىعى» كەاق باسقارما ءتوراعاسىنىڭ ورىنباسارى ازامات بەلقايىروۆ تارتىپتىك جاۋاپكەرشىلىككە تارتىلدى.