سەۋل دۇكەندەرىندە تەڭىز تۇزى تاۋسىلدى.
كەيىنگى ۋاقىتتا جۇرت ونى كوپ مولشەردە ساتىپ العان. سۇرانىس ارتقاندىقتان تاۋار قۇنى 27 پايىزعا ءوستى، ال كەيىن ءتىپتى تاپشى بولدى، دەپ حابارلايدى Almaty-akshamy.kz.
كورەيا تۇرعىندارى بالىق پەن وزگە دە تەڭىز ونىمدەرىن مولىنان جيناپ، قامدانا باستادى. سەبەبى حالىق جاپونيا بيلىگىنىڭ راديواكتيۆتى سۋدى مۇحيتقا توگۋ جوسپارىنا الاڭداپ وتىر. 2011 جىلى الاپات جەر سىلكىنىسى مەن سۋنامي سالدارىنان فۋكۋسيمانىڭ سۋىتۋ جۇيەلەرى قيراعان ەدى، دەپ جازدى 24.kz. اپاتتان كەيىن ونداعى رەزەرۆۋارلاردا ءبىر ميلليون تونناعا جۋىق راديواكتيۆتى سۋ جينالىپ قالعان. ول رەاكتورلاردى سالقىنداتۋ ءۇشىن قولدانىلعان. ماماندار سۋدى مۇحيتقا اعىزباس بۇرىن ارنايى تازارتۋدان وتەتىنىن ايتادى. لي يان مين، سەۋل قالاسىنىڭ تۇرعىنى: - مۇحيتقا توككەننەن كەيىن تۇك وزگەرتە المايمىز. ازاماتتارىمىزدىڭ قاۋىپسىزدىگىن ويلاپ، راديواكتيۆتى سۋدان قۇتىلۋدىڭ وزگە امالىن تاپقانى ءجون بولار ەدى.