وقيعا ورنىنا جەدەل-تەرگەۋ توبى شاقىرىلدى
شىعىس قازاقستان وبلىسىندا تۇرمە قورشاۋىنان ناسىباي مەن تەلەفون لاقتىرماق بولعاندار ۇستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو بويىنشا قاج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وۆ 156/3 كولونياسىنىڭ قىزمەتكەرلەرى تىيىم سالىنعان زاتتاردى كىرگىزبەك بولعانداردىڭ جولىن كەستى.
تۇرمە قورشاۋىنىڭ ماڭىنان 49 جاستاعى وسكەمەن تۇرعىنى ۇستالدى. ول تۇزەتۋ مەكەمەسىنىڭ اۋماعىنا سكوچپەن ورالعان ەكى تۇيىنشەكتى لاقتىرماق بولعان. ونىڭ ىشىنەن سيم-كارتالار، كارتا مەن بەس ۇيالى تەلەفون تابىلدى.
«بۇدان بولەك، كولونياعا 5 بوتەلكە ناسىباي كىرگىزبەك بولعان ادام ۇستالدى. وقيعا ورنىنا جەدەل-تەرگەۋ توبى شاقىرىلدى. انىقتالعانداي، قۇقىق بۇزۋشى جەكە كولىگىمەن تۇرمە ماڭىنا جەتىپ، ناسىبايدى قورشاۋ سىرتىنان ىشكە لاقتىرماق بولعان. 30 جاستاعى وسكەمەندىك كىناسىن مويىنداپ وتىر»، - دەلىنگەن اقپاراتتا.