الەۋمەتتىك جەلىدە سوڭعى ۋاقىتتاعى جاعدايلارعا بايلانىستى وسىنداي پىكىر تارادى.
ءانشى ءابدىجاپپار ءالقوجا سوت شەشىمىمەن 10 تاۋلىككە اكىمشىلىك قاماۋعا الىندى، دەپ حابارلايدى Almaty-akshamy.kz
بۇدان بۇرىن تۇرسىنبەك قاباتوۆتىڭ، كەيىنىرەك قايرات نۇرتاستىڭ قامالعانىن حابارلاعانبىز.
الماتى وبلىسى پوليسيا دەپارتامەنتىنىڭ باسپا ءسوز قىزمەتى ءانشى ءابدىجاپپار ءالقوجانىڭ قونايەۆ قالاسىندا ۇستالعانىن راستادى.
باسپا ءسوز قىزمەتىنىڭ مالىمەتىنشە، 6 شىلدەدە پوليسەيلەر Toyota Camry كولىگىن توقتاتقان.
تەكسەرۋ بارىسىندا جۇرگىزۋشى كولىك قۇرالىن باسقارۋ قۇقىعىنان ايىرىلسا دا، كولىك جۇرگىزىپ كەلە جاتقانى انىقتالدى. كولىكتى ايىپ تۇراعىنا جەتكىزگەن كەزدە KIA Carnival كولىگى كەلىپ، ونىڭ ىشىندە وتىرعان جولاۋشى م. پوليسيا قىزمەتكەرلەرىنە قىسىم كورسەتىپ، ءتارتىپ بۇزۋشىعا حاتتاما تولتىرۋعا كەدەرگى كەلتىرە باستادى. زاڭسىز ارەكەتتەردىڭ جولىن كەسۋ كەزىندە قۇقىقبۇزۋشى پوليسيا قىزمەتكەرلەرىنە باعىنبادى، - دەلىنگەن حاباردا.
ەر ادام مەديسينالىق تەكسەرىستەن وتكەن، ناتيجەسىندە ونىڭ «ورتاشا» دارەجەدە الكوگولگە ماس ەكەنى انىقتالدى.
«ناتيجەسىندە كولىك قۇرالىن باسقارۋ قۇقىعىنان ايىرىلسا دا كولىك جۇرگىزگەن Toyota Camry جۇرگىزۋشىسى سوت شەشىمىمەن 10 تاۋلىككە اكىمشىلىك قاماۋعا الىندى. سوت شەشىمىمەن قۇقىق قورعاۋ ورگانى قىزمەتكەرىنىڭ زاڭدى تالاپتارىنا باعىنباعانى ءۇشىن KIA Carnival جولاۋشىسى دا 10 تاۋلىككە اكىمشىلىك قاماققا الىندى»، - دەپ حابارلادى وبلىستىق پد وكىلدەرى.