كوروناۆيرۋستان كەيىن جوعالعان ءيىس جانە ءدام سەزۋدى قالاي قالپىنا كەلتىرۋگە بولادى؟
ەگەر كوروناۆيرۋسپەن ناۋقاستانىپ، ءدام جانە ءيىس سەزۋدى جوعالتقان ادامدار بۇل قيىندىقتى ءارتۇرلى اتىرلەر مەن گۇلدەردىڭ يىستەرىن يىسكەۋ نەمەسە دامدەۋىشتەردى قولدانۋ ارقىلى قالپىنا كەلتىرۋگە بولادى. بۇل تۋرالى رەسەيلىك مامان تاتيانا رۋجەنسوۆا مالىمدەدى، دەپ حابارلايدى Almaty-akshamy.kz
"ءيىس جانە ءدىم سەزۋدى جاتتىعۋ ارقىلى، ياعني ءتۇرلى اتىرلەر مەن گۇلدەردىڭ يىستەرىن يىسكەپع دامدەۋىشتەردى قولدانۋ ارقىلى قالىپقا كەلتىرۋگە بولادى"، - دەپ مالىمدەدى رۋجەنسوۆا ريا نوۆوستيعا بەرگەن سۇحباتىندا.
ودان بولەك، دارىگەر كوروناۆيرۋستان كەيىن ءيىس جانە ءدام سەزبەۋدى سوڭعى كەزدەرى ءتۇرلى دارىلىك پرەپاراتتار كومەگىمەن قالپىنا كەلتىرۋگە بولادى دەگەن ءجيى ايتىلىپ جۇرگەنىن اتاپ ءوتتى.
الايدا مامان قازىرگى ساتتە ناقتى ءبىر كلينيكالىق زەرتتەۋلەر بۇعان دالەل بولار ناتيجە كورسەتپەگەنىن ايتىپ وتىر.
رۋجەنسوۆا ءيىس جانە ءدام سەزەۋشىلىكتىڭ قانشالىقتى ۇزاق ۋاقىتقا جالعاساتىنىندا ايىرماشىلىق بارىن ايتىپ، تولىقتىردى. بۇل سەزىمدەردى قالپىنا كەتىرۋ ءۇشىن كەي ادامدارعا بىرنەشە كۇن جەتكىلىكتى بولسا، كەيبىر ناۋقاستار جارتى نەمەسە ءبىر جارىم جىلعا دەيىن ءيىس پەن ءدام سەزبەۋى مۇمكىن.