تۇركسىب اۋدانىنىڭ 17 كوشەسىندە 2023 جىلى ورتاشا جول جوندەۋ جۇمىستارى جۇرگىزىلدى
الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە تۇركسىب اۋدانىنىڭ اكىمى باقىتجان اقجاروۆ اۋداندا جول ينفراقۇرىلىمى قالاي جاڭارتىلىپ جاتقانىنا توقتالدى، دەپ حابارلايدى Almaty-akshamy.kz
ورتالىقسىزداندىرۋ اياسىندا اۋدان اكىمدىگى 40 مىڭ م2 جول توسەمىنە اعىمداعى جوندەۋ جۇرگىزدى. سونداي-اق، قايرات شاعىن اۋدانىنداعى تۇرعىن ءۇي كەشەنى مەن مەكتەپكە كىرەتىن 2،7 كم جول قۇرىلىسى اياقتالىپ، بۇگىندە ءبىر قابات اسفالت توسەلدى. 2024 جىلدىڭ ەكىنشى توقسانىندا ينجەنەرلىك كوممۋنيكاسيالار سالىنعاننان سوڭ، قالعان 5،3 شاقىرىم جول جابدىقتالادى.
ۇزىندىعى 22 كم قۇرايتىن 17 كوشەگە ورتاشا جول جوندەۋ جۇمىستارى جۇرگىزىلدى. سونداي-اق اۋدان اكىمى جول جامىلعىسىن اسفالتتاۋ جۇمىستارى اياقتالعان كوشەلەردى اتاپ ءوتتى: سەيفۋللين داڭعىلى، ارال، بايرون، بەردىقوجا، احمەتوۆ، العاباس، ءسۇيىنباي، شەمياكين، سپارتاك، پاپانين، 13 ءا/ق، ماگنيتنىي، پوكرىشكين، فيلاتوۆ، ەرجانوۆ، گرودنەنسكايا، بايماعامبەتوۆ كوشەلەرى.
سونىمەن قاتار، 11 كوشەدە ۇزىندىعى 8 كم بولاتىن تروتۋارلار سالىنىپ، جوندەلدى (وگاريەۆا، تاراز، پۋگاچيەۆ، وبوزنىي، اقىندار، سەيفۋللين، كاسسين، كوتەلنيكوۆ، بەيسەبايەۆ، ايماۋىتوۆ، عانيبەت كوشەلەرى).
«اعىمداعى جىلدىڭ سوڭىنا دەيىن اۋداننىڭ 5 نەگىزگى ماگيسترالدىق كوشەسىنىڭ بويىندا، رىسقۇلوۆ، ءسۇيىنباي داڭعىلى، مايلين، شولوحوۆ، اقان سەرى كوشەلەرىنىڭ بويىنا ەستەتيكالىق كەلبەتتى جاقسارتۋ عانا ەمەس، سونىمەن قاتار كوشەلەردى جيناۋ كەزىندە حيميالىق رەاگەنتتەردەن جاسىل جەلەكتەردى ساقتاۋعا ارنالعان 23 كم تەحنيكالىق تروتۋار سالىنادى»، - دەپ قوستى اۋدان اكىمى.
سونىمەن قاتار، رىسقۇلوۆا داڭعىلى ارقىلى وتەتىن جەر ءۇستى جاياۋ جۇرگىنشىلەر وتكەلىنىڭ قۇرىلىسى اياقتالىپ، ەرجانوۆ كوشەسى ارقىلى وتەتىن وتكەل قۇرىلىسى جۇرگىزىلۋدە.
سونداي-اق، ب. حمەلنيسكيي كوشەسىن قايرات شاعىن اۋدانىنان تالعار جولىنا دەيىن كەسىپ وتۋگە ارنالعان جوبالىق-سمەتالىق قۇجاتتاما ازىرلەنۋدە. اياقتالۋ مەرزىمى - 2023 جىلعى جەلتوقسان. قۇرىلىس-مونتاجداۋ جۇمىستارى 2024-2025 جىلدارعا جوسپارلانعان.