تۇركسىب اۋدانىن ءبىلىم بەرۋ نىساندارىمەن قامتاماسىز ەتۋ جۇمىستارى بەلسەندى جۇرگىزىلۋدە دەپ حابارلايدى almaty-akshamy.kz.
وسى جىلدىڭ 1 قىركۇيەگىندەگى اۋدانداعى وقۋشى ورىندارىنىڭ تاپشىلىعى 2 مىڭنان استى (2 119). قازىرگى وقۋ جىلىنىڭ باسىندا ۆولوچايەۆسكايا كوشەسىندە 420 ورىندىق جەكە مەكتەپ اشىلدى. اعىمداعى جىلدىڭ 16 جەلتوقسانىنا دەيىن «قايرات» شاعىناۋدانىنداعى 1500 ورىندىق مەملەكەتتىك مەكتەپتىڭ قۇرىلىسى اياقتالادى.
بۇگىنگى تاڭدا اۋدانداعى ءۇش ءبىلىم وشاعىن - №59، №195 جانە №198 مەكتەپتەردى 1350 ورىنعا كەڭەيتۋ جۇمىستارى جۇرگىزىلۋدە. بيىل قازان ايىندا №59 مەكتەپ-گيمنازيانىڭ اۋماعىندا 300 ورىندىق جاڭا مەكتەپ عيماراتى مەن قوسىمشا قۇرىلىستى سالۋ باستالادى. ال، ەسكى عيماراتتىڭ ءبىر بولىگى بۇزىلادى. №195 جانە №198 مەكتەپتەر بويىنشا 1050 ورىندىق قوسىمشا قۇرىلىس سالۋ ءۇشىن جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتامانى 2023 جىلدىڭ شىلدەسىندە اياقتاۋ جوسپارلانعان.
مەكتەپكە دەيىنگى ءبىلىم بەرۋدە ورىن تاپشىلىعىن ازايتۋ ءۇشىن 730 ورىندىق ءۇش مەملەكەتتىك بالاباقشا سالۋ جوسپارلانىپ وتىر. وسى جىلدىڭ IV توقسانىندا «قايرات» شاعىناۋدانىندا 260 ورىندىق بالاباقشا قۇرىلىسى باستالادى. قۇرىلىس جۇمىستارى 2023 جىلى اياقتالادى. 2023 جىلى "جاس قانات" شاعىناۋدانىنداعى 280 ورىندىق بالاباقشانىڭ قۇرىلىسى باستالادى. سونداي-اق، جىلدىڭ سوڭىنا دەيىن وگاريەۆ كوشەسىندە 190 ورىندىق بالاباقشا سالۋ ءۇشىن جوبالاۋ-سمەتالىق قۇجاتتاما ازىرلەنەتىن بولادى. بۇدان باسقا، №70 ارنايى بوبەكجاي-بالاباقشانىڭ عيماراتىن سەيسميكالىق كۇشەيتۋ جالعاسۋدا.