الداعى جىلىتۋ ماۋسىمىنا دايىندىق اياسىندا الماتىنىڭ تۇركسىب اۋدانىندا جىلۋ جەلىلەرىن جوسپارلى تۇردە قايتا جاڭارتۋ جۇمىستارى جالعاسۋدا. جۇمىس بارىسىندا 1965 جىلى پايدالانۋعا بەرىلگەن جالپى ۇزىندىعى 4،1 شاقىرىم بولاتىن جىلۋ تراسساسى اۋىستىرىلىپ جاتىر.
وسىعان بايلانىستى 2025 جىلى 29 شىلدەدەن 31 تامىزىنا دەيىن لاۆرەنيەۆ كوشەسىنىڭ باتىس جاعىندا نامانگانسكايا كوشەسى، 43ا ۇيدەن مايلين كوشەسىنە دەيىن اۆتوكولىك قوزعالىسى شەكتەلەدى. قوس باعىتتاعى قوزعالىس كوشەنىڭ شىعىس جاعىندا ۇيىمداستىرىلادى.
قۇبىردىڭ جول بويىنىڭ استىنان وتەتىن بولىگىن قايتا جاڭارتۋ جۇمىستارىنىڭ قاۋىپسىزدىگىن قامتاماسىز ەتۋ ءۇشىن شەكتەۋلەر ەنگىزىلەدى. قايتا جاڭارتۋ كەزىندە تۇرعىندارعا ىستىق سۋ ۇزدىكسىز بەرىلەدى.
اتالعان جىلۋ تراسساسى 42 كوپقاباتتى تۇرعىن ءۇيدى، بالاباقشانى، ەمحانانى جانە تاعى 4 نىساندى جىلۋ ەنەرگياسىمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ جەلىسىن جاڭارتۋ جوسپارلانعان. بۇل توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ايتا كەتەيىك، قوزعالىس شەكتەۋى تۋرالى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتى» سەرۆيستەرىندە جاريالانادى.