تۇركسىب اۋدانىنىڭ شۋاقتى شاعىن اۋدانىندا ينجەنەرلىك جەلىلەردى قايتا جاڭعىرتۋ جۇمىستارى جۇرگىزىلدى. المەرەك، جاس قانات، نۇرشاشقان جانە قايرات ىقشاماۋداندا جۇمىستار اياقتالۋدا
وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە تۇركسىب اۋدانىنىڭ اكىمى باقىتجان اقجاروۆ اۋداننىڭ ينجەنەرلىك جەلىلەرىن جاڭعىرتۋ بويىنشا اتقارىلىپ جاتقان شارالارعا توقتالدى، دەپ حابارلايدى اlmaty-akshamy.kz.
اۋدان اكىمى ءمالىم ەتكەندەي، تامىز ايىندا شۋاقتى ىقشاماۋدانىندا 400 ءۇيدى قامتيتىن سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى اياقتالدى. سونىمەن قاتار، 20 مىڭ ابونەنتكە قىزمەت كورسەتەتىن تبيليسسكايا كوشەسىنىڭ بويىنداعى 400 مەتردەن استام كارىز ەستاكاداسىن قايتا جاڭارتۋ جۇرگىزىلدى. سونداي-اق، اعىمداعى جىلدىڭ سوڭىنا دەيىن 2470 ابونەنتكە ارنالعان المەرەك، جاس قانات شاعىن اۋداندارىندا 17،6 شاقىرىم سۋ قۇبىرى مەن 18،8 شاقىرىم كارىز جەلىسىنىڭ قۇرىلىسى اياقتالادى.
4200 ابونەنتكە ارنالعان ماياك، نيجنيايا پياتيلەتكا جانە زاكارپاتسكايا كوشەلەرىندە 2024 جىلى اياقتالاتىن 131،3 شاقىرىم سۋ قۇبىرى مەن 56 شاقىرىم كارىز قۇرىلىسىن سالۋ جوبالارى باستالدى. قايرات ىقشاماۋداندارىنداعى ەكىنشى كەزەكتىڭ 40 كم سۋ قۇبىرى جانە سۋ بۇرۋ جەلىلەرىن سالۋ بويىنشا قۇرىلىس جۇمىستارى 2024 جىلدىڭ ەكىنشى توقسانىندا باستاۋ جوسپارلانۋدا.
«سۋمەن جابدىقتاۋ جانە كارىز جەلىلەرىن جوبالاۋ جۇمىستارى 2 ۋچاسكە جالعاسۋدا: اۋداننىڭ ورتالىق بولىگىندە، رىسقۇلوۆا – جانسۇگىروۆ – شولوحوۆ – سەيفۋللين كوشەلەرى الاڭىندا جانە اۋەجاي كولى ماڭىندا. قۇرىلىس-مونتاج جۇمىستارىنىڭ بولجامدى باستالۋى 2024 جىلدىڭ ەكىنشى توقسانى»، – دەدى ب. اقجاروۆ.
اۋدان اكىمى ءوز سوزىندە ەلەكتر قۋاتىمەن تۇراقتى قامتاماسىز ەتۋ شارالارىن دا اتاپ ءوتتى. ماسەلەن، شۋاقتى شاعىن اۋدانىنداعى ەلەكتر بەرۋ جەلىلەرىن جاڭعىرتۋ جۇمىستارى اياقتالدى. جىل سوڭىنا دەيىن المەرەك، نۇرشاشقان، قايرات شاعىن اۋداندارىنداعى جەلىلەر جاڭارتىلىپ، ودان كەيىن "اجك" اق جەلىلەرىمەن قىزمەت كورسەتۋ ءۇشىن تۇرعىنداردى ەلەكتر جەلىلەرىنە اۋىستىرۋ جۇرگىزىلەدى.
قوسىلعان شاعىن اۋدانداردى ۇزدىكسىز ەلەكتر ەنەرگياسىمەن قامتاماسىز ەتۋ ماقساتىندا «تۇزدىباستاۋ» قوسالقى ستانساسىنىڭ قۇرىلىسى اياقتالدى.
«قازىرگى ۋاقىتتا جەكە ۋچاسكەلەردىڭ مەنشىك يەلەرىمەن سەرۆيتۋت شارتتارى جاسالۋدا، ولار ارقىلى جەتكىزۋ جەلىلەرى سالىناتىن بولادى. جۇمىستاردى اياقتاۋ جىل سوڭىنا جوسپارلانعان»، - دەدى تۇركسىب اۋدانىنىڭ اكىمى.