اكىمدىك اۋداننىڭ الەۋمەتتىك ينفراقۇرىلىمىن دامىتۋعا ەرەكشە نازار اۋدارۋدا.
تۇركسىب اۋدانىدا قۇرىلىس قارقىندى ءجۇرىپ جاتىر. بۇل تۋرالى الماتى اكىمى ەربولات دوسايەۆ اۋدان تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
«سوندىقتان ءبىز جاڭا مەكتەپتەر سالۋ جانە قولدانىستاعى مەكتەپتەردى كەڭەيتۋ جۇمىستارىن جالعاستىرۋعا نيەتتىمىز. وتكەن جىلى «قايرات» شاعىن اۋدانىندا 1 500 ورىندىق №211 مەكتەپ-گيمنازيا سالىندى. ول بيىل قىركۇيەك ايىندا جۇمىسىن باستايدى»، - دەدى قالا باسشىسى.
2022 جىلدىڭ جەلتوقسانىندا قولدانىستاعى عيماراتتى (860 ورىن) سەيسميكالىق كۇشەيتىپ جانە 300 ورىنعا قوسىمشا قۇرىلىس سالىپ، №59 مەكتەپ-گيمنازيانىڭ عيماراتىن رەكونسترۋكسيالاۋ باستالدى. جۇمىستاردى 2024 جىلدىڭ ءى-شى توقسانىندا اياقتاۋ جوسپارلانعان.
«جايلى مەكتەپ» ۇلتتىق جوباسىن ىسكە اسىرۋ اياسىندا وسى جىلدىڭ IءىIء-شى جارتىجىلدىعىندا تۇركسىب اۋدانىندا 6100 ورىندىق 4 مەكتەپتىڭ قۇرىلىسى باستالادى.
سونىمەن قوسا 2 مەكتەپكە 1050 ورىندىق قوسىمشا قۇرىلىس سالۋ (№195 ورتا مەكتەپكە 450 ورىندىق، اياقتالۋى – وسى جىلدىڭ تامىز ايى جانە №198 ورتا مەكتەپكە 600 ورىندىق، اياقتالۋى – وسى جىلدىڭ قىركۇيەك ايى)، №83 گيمنازيا فيليالىن رەكونسترۋكسيالاۋ (اياقتالۋى – 2023 جىلدىڭ قازان ايى) جانە №50 مەكتەپ عيماراتىن سەيسميكالىق كۇشەيتۋ (اياقتالۋى - 2023 جىلدىڭ جەلتوقسان ايى) جوبالانۋدا.
وسى جىلدىڭ ناۋرىز ايىنان باستاپ قولدانىستاعى عيماراتتاردى بۇزىپ، الماتى تەلەكوممۋنيكاسيا جانە ماشينا جاساۋ كوللەدجىن سالۋ ءۇشىن جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتاما ازىرلەۋدى 2024 جىلدىڭ ءى-شى توقسانىندا اياقتاۋ جوسپارلانعان.
№70 بوبەكجاي-بالاباقشا عيماراتىن سەيسميكالىق كۇشەيتۋ جۇمىستارى اياقتالىپ كەلەدى. وسى جىلدىڭ شىلدە ايىندا اشۋدى جوسپارلاپ وتىرمىز. جىل سوڭىنا دەيىن «قايرات» شاعىن اۋدانىنداعى 260 ورىندىق مەملەكەتتىك بالاباقشانىڭ قۇرىلىسى اياقتالادى.
وسى جىلدىڭ ءىىى-شى توقسانىندا جەر ۋچاسكەسى الىنعاننان كەيىن «المەرەك» شاعىن اۋدانىندا 320 ورىندىق بالاباقشا سالۋ ءۇشىن جوبالاۋ-سمەتالىق قۇجاتتاما ازىرلەۋگە كونكۋرس جاريالانادى.