2024 جىلى الماتىنىڭ تۇركسىب اۋدانىندا 5500 ابونەنت ءۇشىن سۋ قۇبىرى مەن كارىز جۇيەسى سالىنادى
الماتىنىڭ تۇركسىب اۋدانىنداعى ماياك، نيجنيايا پياتيلەتكا شاعىن اۋداندارى مەن زاكارپاتسكايا كوشەسىندەگى 5500 ابونەنت ءۇشىن 131،3 شاقىرىم سۋ قۇبىرى مەن 56 شاقىرىم كارىز قۇرىلىسىنىڭ جوبالارى جۇزەگە اسۋدا. اياقتالۋ مەرزىمى – 2024 جىلى. بۇل تۋرالى تۇركسىب اۋدانىنىڭ اكىمى باقىتجان اقجاروۆ الماتىداعى وڭىرلىك كوممۋنيكاسيالار قىزمەتىنىڭ الاڭىندا ءمالىم ەتتى، دەپ حابارلايدى اlmaty-akshamy.kz. سونداي-اق، ونىڭ ايتۋىنشا، 2024 جىلدىڭ ەكىنشى توقسانىنا قايرات شاعىن اۋدانىندا 40 شاقىرىم سۋ قۇبىرى جانە ەكىنشى كەزەكتەگى سۋ بۇرۋ جەلىلەرىن سالۋ بويىنشا جۇمىستاردى باستاۋ جوسپارلانعان.
«اۋداننىڭ ورتالىق بولىگىندە، رىسقۇلوۆ – جانسۇگىروۆ – شولوحوۆ – سەيفۋللين كوشەلەرىنىڭ جانە اۋەجاي كولى اۋدانىنىڭ 2 ۋچاسكەسى بويىنشا سۋمەن جابدىقتاۋ جانە كارىز جەلىلەرىن جوبالاۋ جالعاسۋدا. قۇرىلىس-مونتاج جۇمىستارىنىڭ شامامەن باستالۋى 2024 جىلدىڭ ەكىنشى توقسانى»، - دەدى باقىتجان اقجاروۆ.
ول اعىمداعى جىلدىڭ سوڭىنا دەيىن المەرەك، جاس قانات شاعىن اۋداندارىندا 2470 ابونەنت ءۇشىن 17،6 كم سۋ قۇبىرى مەن 18،8 كم كارىز قۇرىلىسى اياقتالاتىنىن اتاپ ءوتتى. ال تامىز ايىندا شۋاقتى شاعىن اۋدانىندا 400 ءۇيدى قامتيتىن سۋمەن جابدىقتاۋ جانە سۋ بۇرۋ جەلىلەرى پايدالانۋعا بەرىلدى. سونىمەن قاتار، 20 مىڭ ابونەنتكە قىزمەت كورسەتەتىن تبيليسسكايا كوشەسىندە 400 مەتردەن استام كارىز ەستاكاداسى رەكونسترۋكسيالاندى.
تۇركسىب اۋدانىنىڭ اكىمى شۋاقتى شاعىن اۋدانىندا ەلەكتر بەرۋ جەلىلەرىن جاڭعىرتۋ تۋرالى دا حابارلادى. ونىڭ دەرەكتەرى بويىنشا، المەرەك، نۇرشاشقان، قايرات شاعىن اۋداندارىنداعى جەلىلەر جاڭعىرتۋ جالعاسىپ جاتىر، سودان كەيىن تۇرعىنداردى «اجك» اق جەلىلەرىمەن قىزمەت كورسەتۋگە اۋىستىرۋ جۇرگىزىلەدى.