بۇگىن كيەلى شاھاردا ۇلتتىق قۇرىلتايدىڭ ەكىنشى وتىرىسى باستالادى.
ءقازىر ەلدىك ماسەلە تالقىعا تۇسەتىن ورىندا قاربالاس. سوڭعى دايىندىق جۇمىستارى پىسىقتالىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
قۇرىلتاي وتەتىن الاڭ قازاقتىڭ ون ەكى قاناتتى كيىز ءۇيى ءتارىزدى بەزەندىرىلگەن. القالى جيىننىڭ العاشقى كۇنى ءۇش تاقىرىپ قاۋزالادى. پرەزيدەنت اكىمشىلىگى باسشىسىنىڭ ورىنباسارى ايدا بالايەۆانىڭ توراعالىعىمەن "قوعامدىق كونسوليداسيا" سالاسى جان-جاقتى تالقىلانباق. ودان كەيىن قۇرىلتاي قاتىسۋشىلارى "مادەنيەت. ونەر. رۋحانيات" سالاسىندا ءسوز قوزعايدى. سوڭعى سەكسيا "ءبىلىم جانە عىلىم" تاقىرىبىنا ارنالادى.
ال ۇلتتىق قۇرىلتايدىڭ نەگىزگى جيىنى ەرتەڭ وتەدى.