كەدەن بەكەتى مەن ۇقك شەكارا قىزمەتكەرلەرى بىرلەسىپ توسقاۋىل قويدى
«جىبەك جولى» جانە «اتامەكەن» كەدەن بەكەتتەرىندە قازاقستان، رەسەي، تاجىكستان ازاماتتارىنا اكىمشىلىك ءىس قوزعالدى، دەپ حابارلايدى Almaty-akshamy.kz.
تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ مالىمەتىنشە، ولار قازاقستان زاڭناماسىنداعى قولما-قول اقشانى الىپ كەتۋگە قويىلعان شەكتەۋدى بۇزباق بولعان.
«6 ماۋىسىمدا «جىبەك جولى» كەدەن بەكەتى ارقىلى وزبەكستان باعىتىنداعى جولاۋشىلار تەرمينالىندا قولجۇگىن رەنتگەن-تەليەۆيزيوندىق قۇرىلعى ارقىلى تەكسەرۋ كەزىندە، تاجىكستان ازاماتىنان كەدەندىك دەكلاراسيادا كورسەتىلمەگەن قولما-قول 19 500 اقش دوللارى انىقتالدى. وعان اقبك-نىڭ 545-بابى بويىنشا ءىس قوزعالدى»، - دەپ جازدى ۆەدومستۆودان.
وسىعان دەيىن، 18 مامىردا «اتامەكەن» كەدەن بەكەتىندە وزىمەن بىرگە 10 مىڭ دوللار، 82 500 تەڭگە جانە 1 798 000 وزبەك سومىن الىپ وتپەك بولعان قازاقستان ازاماتى ۇستالعان. وعان كەدەن بەكەتى مەن ۇقك شەكارا قىزمەتكەرلەرى بىرلەسىپ توسقاۋىل قويدى. بۇل دەرەك بويىنشا جيناقتالعان اكىمشىلىك ءىس ماقتاارال اۋداندىق سوتىنا جولداندى.
تۇركىستان وبلىسى بويىنشا مەملەكەتتىك كىرىستەر دەپارتامەنتى 20 مامىرى كۇنى وسى كەدەن بەكەتىندە ورىن العان وقيعانى دا مالىمدەدى. كەدەندىك باقىلاۋ كەزىندە رەسەي ازاماتى وزىمەن بىرگە 13 800 اقش دوللارى مەن 88 000 تەڭگەنى وزبەكستانعا الىپ ءوتۋ بارىسىندا انىقتالعان. بۇل ءىس تە ماقتاارال اۋداندىق سوتىنا جولداندى.