تۇركىستاندا ساكۋرا گۇلدەدى

بيىل جىلداعىدان كەشىرەك گۇل اشتى.

ماماندار بۇعان كوكتەمنىڭ سالقىن بولۋى اسەر ەتكەن بولۋى مۇمكىن دەپ وتىر. جاپون شيەسى احمەت ياسساۋي كەسەنەسىنىڭ جانىنداعى بوتانيكالىق باقتا وسەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

وتكەن جىلدىڭ قىس ايلارىندا جەمىس اعاشىنىڭ 200 ءتۇبى گەرمانيادان اكەلىپ وتىرعىزىلعان. ونىڭ الدىندا 15 جىل بويى ارنايى تۇقىمباقتا وسىرىلگەن ەكەن سودان بولار، جەرگىلىكتى كليماتقا تەز بەيىمدەلىپ، جەرسىنىپ كەتكەن. ال تۇركىستانداعى بوتانيكالىق باقتىڭ اۋماعى 7 گەكتاردى الىپ جاتىر. وندا ساكۋرادان بولەك مىڭعا جۋىق اعاش ءتۇرى ءوسىپ تۇر. 

«بارلىق اعاشتار كۇتىمدى قاجەت ەتەدى. بۇل اعاشتار كۇتىمدى كوبىرەك قاجەت ەتەدى. بىلايشا ايتقاندا، بۇلارعا سۋىن، سۋ بەرۋدىڭ ءوزىنىڭ ءنورماتيۆى بار جانە تىڭايتقىشتاردى دا دەر كەزىندە بەرىپ تۇرۋ قاجەت. تىڭايتقىشتاردى جانە باسقا دا مينەرالداردى ءبىراز ەكى-ۇش جىل ءوزىن الىپ كەتكەننەن كەيىن ولاردى قاجەت ەتپەيتىن بولادى. ءبىرىنشى جىلدارى ءوزىن كورسەتە الماسا، بيىل بەرىلگەن تىڭايتقىشتاردىڭ، كۇزدە بەرىلگەن تىڭايتقىشتاردى كۇتىپ ۇستاۋدىڭ ارقاسىندا جاقسى گۇلدەپ تۇر»، - دەيدى «جاسىل تۇركىستان» كمم ديرەكتورى كوركەمجان ەشمەتوۆ. 

.