تۇركىستان وبلىسىندا تۋريزم جانە سپورت مينيسترلىگىنىڭ تاپسىرىسى بويىنشا «Kazakh Tourism ۇك» اق جانە تۇركىستان وبلىسى اكىمدىگىنىڭ قولداۋىمەن Travel fest كرەاتيۆتى تۋريزم سالاسىنداعى ءبىرقاتار ماڭىزدى ءىس-شارا سەرياسى ۇيىمداستىرىلدى.
كرەاتيۆتى تۋريزم سالاسىنداعى ءىس-شارالار تىزبەگىن قورشاعان ورتانى قورعاۋ تاقىرىبىنا ارنالعان «ەگو-دان ەكو-عا دەيىنگى» ەكولوگيالىق فوتوسۋرەتتەر كورمەسى اشىپ بەردى. جوبا قاتىسۋشىلارىنىڭ جۇمىسى نەگىزىنەن تابيعاتقا بەي-جاي قاراماۋدى ناسيحاتتايدى، دەپ حابارلايدى Almaty-akshamy.kz
تۋريزم جانە سپورت مينيسترلىگىنىڭ مالىمەتىنششە، حالىقارالىق تۋريزم جانە مەيماندوستىق ۋنيۆەرسيتەتىندە قۇندى دارىستەر مەن سەمينارلار ءوتىپ، فورۋم اياسىندا ۇيىمداستىرلعان بايقاۋ جەڭىمپازدارى ماراپاتتالدى.
Karavansaray تۋريستىك كەشەنىنىڭ اۋماعىندا وتاندىق وندىرۋشىلەر، ديزاينەرلەر، قولونەرشىلەر مەن زەرگەرلەردىڭ قاتىسۋىمەن «Made in KZ» فەستيۆال-جارمەڭكەسى كورشىلىك نازارىنا ۇسىنىلدى.
سونداي-اق Karavansaray كەشەنى اۋماعىندا الەمدەگى ءىرى قالالار ءومىرىنىڭ اجىراماس بولىگىنە اينالعان، اسىرەسە ەلدىڭ كرەاتيۆ يندۋسترياسىنىڭ نەگىزى سانالاتىن Street Performance Fest ءىس-شاراسى ءوتتى. ءدال سول كۇنى تۇركىستان قالاسىنىڭ تۇرعىندارى مەن قوناقتارى breaking، hip hop، all styles ستيلدەرى بويىنشا بي فەستيۆالىن تاماشالادى.
ءىس-شارا اياسىندا تۇركىستان وبلىسى بويىنشا ەكولوگيالىق اۆتوتۋر ۇيىمداستىرىلىپ، وعان قازاقستان، رەسەي، وزبەكستان جانە قىرعىزستاننان كەلگەن كاسىبي اۆتو ساياحاتشىلار قاتىستى. ولار وڭتۇستىك وڭىردەگى اقمەشىت ۇڭگىرلەرى، لەڭگىر (بىركولىك)، اقسۋ-جاباعىلى، قازىعۇرت، سارىاعاش، سونداي-اق ارىستان باب، ساۋران، قوجا احمەت ياسساۋي، كۇلتوبە سياقتى تابيعي ورىندارى مەن تاريحي-مادەني كورىكتى جەرلەرىمەن تانىستى.
سونداي-اق تۇركىستان قالاسىنىڭ كونگرەسس-ورتالىعىندا «Kazakhstan Creative Tourism Forum 2023» كرەاتيۆتى تۋريزم بويىنشا اۋقىمدى فورۋمى ۇيىمداستىرىلدى. فورۋمنىڭ ماقساتى – ساياحاتشىلاردىڭ جاڭا بۋىنىن قالىپتاستىرۋ، تۋريستىك ۇيىمداردىڭ باسەكەگە قابىلەتتىلىگىن ارتتىرۋ، سونداي-اق قازاقستاندا كرەاتيۆتى كلاستەرلەر مەن كرەاتيۆتى يندۋستريالار ورتالىقتارىن قۇرۋ جانە دامىتۋ، ەلىمىزدە ءتۋريزمنىڭ بارلىق ءتۇرىن دامىتۋ جانە ىلگەرىلەتۋ ماقساتىندا ساراپشىلار قاۋىمداستىعىن ءبىر الاڭدا جيناۋ.
«پرەزيدەنتتىڭ كرەاتيۆتى يندۋستريانى ءار وبلىس ورتالىعىندا دامىتۋ تۋرالى تاپسىرماسىنا سايكەس تۇركىستاندا كرەاتيۆتى يندۋستريانىڭ ۇلكەن فەستيۆالى ءوتتى. بۇل باعىتتى دامىتۋ مەملەكەت تاراپىنان تالانتتى جاستاردى قولداۋدا وتە ماڭىزدى. اتالعان ءىس-شارالاردىڭ نەگىزگى ماقساتى – وڭىردەگى ەكونوميكالىق بەلسەندىلىكتى ارتتىرۋ جانە جاڭا جۇمىس ورىندارىن اشۋ»، - دەپ اتاپ ءوتتى تۋريزم جانە سپورت ءمينيسترىنىڭ ورىنباسارى ەرجان ەركىنبايەۆ.