تۇركىستانعا تارتۋ
جيھانكەز بۇل ۆەلوسيپەدىمەن مەككە-مادينەگە دەيىن بارعان، دەپ حابارلايدى Almaty-akshamy.kz 24.kz سىلتەمە جاساپ.
الەمنىڭ بىرنەشە ەلىن ارالاپ، ساياحات جاساعان جيھانكەز كەڭەسبەك سەيدىمبەك تالاي ساپاردا سەرىگى بولعان ۆەلوسيپەدىن قاجىمۇقان اتىنداعى وبلىستىق سپورت مۋزەيىنە تارتۋ ەتتى.
بۇل تارتۋ ەندى مۋزەيدەگى قۇندى جادىگەردىڭ ءبىرى بولماق. 65 جىلدان بەرى جولدى-جولسىز جەرلەمەن ءجۇرىپ، قاسيەتتى قاعباعا بارىپ، ودان بولەك، اۋعانستان، رەسەي، وزبەكستان ەلدەرىن ارالادى. كەڭەسبەك سەيدىمبەك سول ۆەلوسيپەدىن مۋزەيىنە تاپسىرىپ، پىكىر كىتابىنا ەستەلىك جازىپ قالدىردى.
ەل تاۋەلسىزدىگىنىڭ 30 جىلدىعى جانە قاجىمۇقان مۇڭايتپاس ۇلىنىڭ 150 جىلدىعى اياسىندا ۇيىمداستىرىلعان شارا بارىسىندا مۋزەي ۇجىمى 81 جاستاعى اتاقتى ساياحاتشىعا قۇرمەت كورسەتتى. ەندى مۋزەيگە كەلۋشىلەر جيھانكەزدەن ەستەلىك بوپ قالعان جادىگەردىڭ دە تاريحىمەن تانىسادى.