تۇركىستاندا ناۋرىز مەرەكەسى ەرەكشە تۇردە اتالىپ ءوتىلدى. ناۋرىزدىڭ ءداستۇرلى تاعامى – ناۋرىز كوجە بۇل جولى ۇلكەن اۋقىمدا دايىندالىپ، 2،5 توننا كوجە ازىرلەندى. اسپازدىق ونەر مەن ۇلتتىق تاعامداردى دارىپتەۋ ماقساتىندا دايىندالعان ناۋرىز كوجەسىنە 250 كەلى ەت پەن 1 توننا ءداندى داقىل قوسىلعان، دەپ حابارلايدى aqshamnews.kz
«نەگىزى ناۋرىز كوجە جەتى ءتۇرلى دامنەن جاسالادى. ءبىز ءبىراق ءدامى ەرەكشە بولۋى ءۇشىن سەگىزىنشى ءدام رەتىندە قۇرت مالتاسىن قوستىق»، – دەيدى كوجە دايىنداۋشىلار.
بۇل ەرەكشە كوجەنىڭ دايىندالۋى 24 ساعاتتى قامتىعان جانە 250-300 ليترلىك 12 قازانعا پىسىرىلگەن.
ناۋرىز كوجە قالا تۇرعىندارى مەن قوناقتارىنا 150 تەڭگەدەن ساتىلدى. ۇيىمداستىرۋشىلاردىڭ ايتۋىنشا، جينالعان قاراجات بالالار ۇيىنە قايىرىمدىلىق رەتىندە بەرىلەدى. كەشەننىڭ ىشىنە تولىپ كەتكەن حالىقتىڭ كوڭىلى كوتەرىلىپ، ناۋرىز مەرەكەسى ناعىز ۇلتتىق ءسالت-داستۇردى پاش ەتۋگە مۇمكىندىك بەردى.
«كەرۋەن ساراي» كەشەنىنىڭ ءىشى ءيىن تىرەسكەن حالىققا لىق تولدى، بۇل دا مەرەكەلىك شارانىڭ ۇلكەن تانىمالدىلىعىن جانە حالقىمىزدىڭ داستۇرلەرگە دەگەن قۇرمەتىن كورسەتەدى. ۇلتتىق تاعامداردى دارىپتەۋ، حالىقتىڭ بىرلىگىن نىعايتۋ ماقساتىندا ۇيىمداستىرىلعان بۇل ءىس-شارا ناۋرىز مەرەكەسىنىڭ ماعىناسىن تەرەڭ سەزىنۋگە مۇمكىندىك بەردى.