تۇركىستان قالاسىندا ويناۋعا شىعىپ، ءىز-تۇزسىز جوعالىپ كەتكەن 4 جاسار بالانىڭ دەنەسى تابىلدى، دەپ حابارلايدى Almaty-akshamy.kz
بۇعان دەيىن بالانىڭ 2 كۇننەن بەرى ىزدەسىتىرىلىپ جاتقانىن حابارلاعان ەدىك.
«3 جەلتوقسان كۇنى كۇندىز ۇزدىكسىز جۇرگىزىلگەن ىزدەستىرۋ جۇمىستارىنىڭ ناتيجەسىندە 4 جاسار بالانىڭ ءمايىتى كورشى ءۇي ماڭىنداعى كارىز قۇدىعىنان تابىلدى. بالانىڭ دەنەسىن سۋدمەدەكسپەرتتەر تەكسەرىپ شىعىپ، زورلىق-زومبىلىق بەلگىلەرىن تاپپادى.
قازىرگى ۋاقىتتا جەدەل-تەرگەۋ توبى، پوليسيا دەپارتامەنتى مەن پروكۋراتۋرانىڭ باسشىلىعى وقيعا ورنىندا ءجۇر. بولعان جعدايدىڭ بارلىق ءمان-جايى انىقتالىپ جاتىر»، — دەلىنگەن پوليسيا مالىمەتىندە.
ءبۇلدىرشىن 1 جەلتوقساندا جوعالىپ كەتكەن ەدى، ىزدەستىرۋ جۇمىستارىنا 1 مىڭعا جۋىق ادام تارتىلدى. ونىڭ ىشىندە پوليسيا مەن توتەنشە جاعداي دەپارتامەنتتەرىنىڭ جەكە قۇرامى، ۇلتتىق ۇلان ساربازدارى، ۆولونتەرلەر بار.