يۋريي يلين تۇركىستان وبلىسىنىڭ سۋ باسقان اۋداندارىن اۋەدەن باقىلادى.
بۇگىن توتەنشە جاعدايلار ءمينيسترى يۋريي يلين، تۇركىستان وبلىسى اكىمىنىڭ ءبىرىنشى ورىنباسارى ارمان جەتپىسباي جانە مۇددەلى ۇيىم وكىلدەرى تۇركىستان وبلىسىندا اۋەدەن بارلاۋ جۇمىسىن جۇرگىزدى، دەپ حابارلايدى اlmaty-akshamy.kz تجم تەلەگرام كانالىنا سىلتەمە جاساپ.
ساۋران اۋدانىنىڭ اۋماعىنا، قاراتاۋ بەتكەيىنە جانە سىرداريا مەن ارىس وزەندەرىنىڭ بويىندا بۇعان دەيىن سۋ باسقان ەلدى مەكەندەرگە اەروۆيزۋالدى شولۋ جاسالدى.
اۋەدەن بارلاۋ جۇمىستارىنان كەيىن مينيستر جەرگىلىكتى اتقارۋشى ورگاندارمەن جانە سۋ شارۋاشىلىعى مەكەمەلەرىمەن كەڭەس وتكىزدى، وندا اعىمداعى جاعدايدىڭ تۇراقتانعانى جانە قالىپتاسقان مەتەورولوگيالىق جاعداي نەگىزىندە قاجەتتى الدىن الۋ شارالارىن قابىلداۋ ماسەلەلەرى تالقىلاندى.
قازىرگى ۋاقىتتا جاعداي تۇراقتى، ەشقانداي ءقاۋىپ جوق. دەگەنمەن قۇتقارۋ بولىمشەلەرى اتقارۋشى ورگاندارمەن بىرلەسىپ، قوسىمشا الدىن الۋ شارالارىن قابىلداپ جاتىر.