ارىس قالاسىندا كەشەدەن بەرى 170-كە جۋىق قۇتقارۋشى تابيعات اپاتىنا قارسى كۇرەسۋدە.
ولارعا ىرگەدەگى اسكەري ءبولىم قىزمەتكەرلەرى دە كومەكتەسىپ جاتىر. 15 موتوپومپا جانە 22 بىرلىك ارنايى تەحنيكا جۇمىس ىستەۋدە. سۋ جايىلۋ ءقاۋپى بار ايماقتارعا 2000 قاپ قۇم توسەلدى، دەپ حابارلايدى Almaty-akshamy.kz.
قازىرگى تاڭدا جاۋىن مەن ەرىگەن قاردان جينالعان سۋ قابىلساي ارناسىنا قۇيىلۋدا. ونىڭ دەڭگەيى كەشەگىگە قاراعاندا 1 مەتردەي تومەندەگەن. تاسقىن سۋدان زارداپ شەككەندەر مەن قيراعان ءۇي جايلار جوق. ءتورت تۇلىك تە امان. مونتايتاس اۋىلدىق وكرۋگى، قىزىلكوپىر ەلدى مەكەنىندە سۋ باسۋ ءقاۋپى بار ارىق-اتىزدار مەن جىرالاردى ارنايى تەحنيكا كومەگىمەن تازالاۋ، بوگەتتەر قويۋ جۇمىستارى جۇرگىزىلۋدە. ال قالا كولەمىندە سۋ باسۋ ءقاۋپى بار تۇرعىن ۇيلەردىڭ اينالاسى قۇم سالىنعان قاپتارمەن بەكىتىلىپ جاتىر.