بۇگىن دە وڭىردە نوسەر جاڭبىر جاۋادى
تۇركىستان وبلىسىندا نوسەر جاڭبىردان كەيىن اۋىلدى سۋ باستى، دەپ حابارلايدى Almaty-akshamy.kz تۇركىستان وبلىسى توتەنشە جاعدايلار دەپارتامەنتىنە سىلتەمە جاساپ.
جاڭبىر سالدارىنان تولەبي اۋدانى ءبىرىنشى مامىر اۋىلىن سۋ الىپ جاتىر. جالپى، اۋىلداعى ءبىر بالاباقشا مەن جەكە سەكتورداعى 25 اۋلانى جانە بىرنەشە كوشەنى سۋ باسقان.
«جەرگىلىكتى اتقارۋشى ورگاندار مەن توتەنشە جاعدايلار دەپارتامەنتىنىڭ قىزمەتكەرلەرى سۋدى شىعارۋ جانە ينەرتتى ماتەريالدار سالىنعان قاپتاردى توسەۋ جۇمىستارىن جۇرگىزۋدە. قازىرگى تاڭدا 200-دەن استام قاپ توسەلدى. سۋ جينالۋى ىقتيمال جەرلەرگە تاعى 300-گە جۋىق قاپ توسەۋ جوسپارلانۋدا» دەلىنگەن تجد حابارلاماسىندا.
سينوپتيكتەر بۇگىن دە وڭىردە نوسەر جاڭبىر جاۋادى دەگەن بولجام جاساپ وتىر.