تۇركىستان وبلىسىنىڭ پوليسەيلەرى حالىقارالىق ىزدەۋدە جۇرگەن شەتەلدىكتەردى ۇستادى، دەپ حابارلايدى almaty-akshamy.kz Polisia.kz. سىلتەمە جاساپ.
تۇركىستان وبلىسى پوليسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل الدىن الۋ شارالارى اياسىندا حالىقارالىق ىزدەۋدە جۇرگەن 3 شەتەل ازاماتىن انىقتادى. ۇستالعان شەتەلدىكتىڭ ءبىرى – ءۇش جىل بويى حالىقارالىق ىزدەۋدە جۇرگەن وزبەكستان ازاماتى. ول ءوز ەلىندە قاراقشىلىق شابۋىل جاساعانى ءۇشىن سوتتالعان 38 جاستاعى ەر ازامات. ونى پوليسەيلەر ورداباسى اۋدانىندا قولعا ءتۇسىردى.
سونىمەن قاتار ەر ادامنىڭ 2020 جىلى تۇرمەدەن قاشىپ، كەيىن قازاقستان شەكاراسىن زاڭسىز كەسىپ وتكەنى انىقتالدى. اتالعان فاكتى بويىنشا وقيعانىڭ تولىق ءمان-جايى انىقتالىپ جاتىر. ال ەكىنشى كۇدىكتى - 30 جاستاعى شەتەل ازاماتىنا ەسىرتكى ساقتاۋمەن بايلانىستى قىلمىس جاساعانى ءۇشىن استانا قالالىق پوليسيا دەپارتامەنتى تاراپىنان ىزدەۋ جاريالانعان. ول سارىاعاشتا ۇستالدى.
حالىقارالىق ىزدەۋدە جۇرگەن ءۇشىنشى كۇدىكتى رەسەي ازاماتى كەلەس اۋدانىندا ۇستالدى. جاس جىگىتكە 2022 جىلدىڭ جەلتوقسان ايىندا كورشى ەلدە ىزدەۋ جاريالانىپ، قازاقستاندا جاسىرىنىپ جۇرگەنى بەلگىلى بولدى. قازىرگى تاڭدا 21 جاستاعى شەتەل ازاماتى قاماۋعا الىندى.
قازىرگى تاڭدا ولاردى ەكستراديسيالاۋ ماسەلەسى شەشىلىپ جاتىر.