تۇركىستان وبلىسىنىڭ كەنتاۋ قالاسىندا الما اعاشى گۇلدەدى
كۇز كەلىپ، قازان ايىنىڭ ورتاسىندا جەمىس اعاشىنىڭ بۇلاي گۇل اشۋى قالا تۇرعىندارىنىڭ تاڭدانىسىن تۋدىردى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
تابيعاتتىڭ توسىن سىيىن كۋاگەرلەر ۇيالى تەلەفونعا ءتۇسىرىپ، الەۋمەتتىك جەلىدە ءبولىستى. تۇرعىندار مۇنداي قۇبىلىس قالادا بۇرىن-سوڭدى بولماعانىن ايتىپ وتىر. مەزگىلسىز ۋاقىتتا گۇل اشقان الما اعاشى قالاداعى №1 ى.التىنسارين اتىنداعى مەكتەپ-گيمنازياسىنىڭ اۋلاسىندا ءوسىپ تۇر. بۇل جەمىستى ەرىكتى جاستار وسىدان 6 جىل بۇرىن ەل تاۋەلسىزدىگىنىڭ 25 جىلدىعىنا وراي وتىرعىزعان بولاتىن.