اۋدانداعى قارقىندى قۇرىلىس پەن حالىق سانىنىڭ ءوسۋىن ەسكەرە وتىرىپ، اۋداندى الەۋمەتتىك ينفراقۇرىلىممەن قامتاماسىز ەتۋ جالعاسۋدا، دەپ مالىمدەدى قالا اكىمى اۋدان تۇرعىندارىمەن كەزدەسۋدە.
1 قىركۇيەكتەن باستاپ «قايرات» شاعىن اۋدانىندا 1 500 ورىندىق №211 جاڭا مەكتەپ-گيمنازياسى ىسكە قوسىلدى. №59 مەكتەپ-گيمنازيا عيماراتىن رەكونسترۋكسيالاۋ، سەيسميكالىق كۇشەيتۋ (860 ورىن) جانە 300 ورىندىق قوسىمشا قۇرىلىس سالۋ جۇمىستارى ءجۇرىپ جاتىر. جۇمىستاردىڭ اياقتالۋى – 2024 جىلدىڭ 1ء-شى توقسانى. «جايلى مەكتەپ» ۇلتتىق جوباسى بويىنشا 4ء-شى توقساندا 6100 ورىندىق 4 جاڭا مەكتەپتىڭ قۇرىلىسى باستالادى.
№ 195 مەكتەپكە 450 ورىندىق قوسىمشا قۇرىلىس باستالادى. بۇدان باسقا №198 مەكتەپكە 600 ورىندىق قوسىمشا قۇرىلىس سالۋ №83 گيمنازيا فيليالىن رەكونسترۋكسيالاۋ جانە №50 مەكتەپ عيماراتىن سەيسميكالىق كۇشەيتۋ جۇمىستارى جوبالانۋدا.
وقۋشىلاردى كاسىپتىك بىلىممەن قامتۋدى كەڭەيتۋ ءۇشىن 2024 جىلدىڭ 1ء-شى توقسانىندا قولدانىستاعى عيماراتتاردى بۇزىپ، الماتى تەلەكوممۋنيكاسيا جانە ماشينا جاساۋ كوللەدجىن سالۋعا جوبالاۋ-سمەتالىق قۇجاتتاما ازىرلەۋ اياقتالادى.
اۋدان بالالارىن مەكتەپكە دەيىنگى بىلىممەن قامتاماسىز ەتۋ ءۇشىن قازان ايىندا عيماراتتى سەيسميكالىق كۇشەيتۋ جۇمىستارى اياقتالعاننان كەيىن №70 بالاباقشا ءوز جۇمىسىن باستايدى. سونداي-اق 2023 جىلدىڭ سوڭىنا دەيىن «قايرات» شاعىن اۋدانىندا 260 ورىندىق مەملەكەتتىك بالاباقشانىڭ قۇرىلىسى اياقتالادى.
«المەرەك» شاعىن اۋدانىندا 320 ورىندىق بالاباقشا سالۋ ءۇشىن جەر ۋچاسكەسىن الىپ قويۋ قورىتىندىسى بويىنشا 4ء-شى توقساندا جوبالاۋ-سمەتالىق قۇجاتتامانى ازىرلەۋگە كونكۋرس جاريالانادى.
انىقتاما ءۇشىن: مەنشىك يەسىنىڭ كەلىسپەۋىنە، باعالاۋ مەرزىمىنىڭ اياقتالۋىنا بايلانىستى، سونداي-اق سوت پروسەستەرىن بولدىرماۋ ءۇشىن كەلەسى اپتا ىشىندە جەر ۋچاسكەسىن قايتا باعالاۋ جۇرگىزىلەدى. مەنشىك يەسى كەلىسكەن جاعدايدا، جەر ۋچاسكەسىن الىپ قويۋ 30.10.2023 جىلعا دەيىن اياقتالادى.